Ni NERIO AGUAS
Ipinatupad ng Bureau of Immigration (BI) ang immigration lookout bulletin order (ILBO) na inilabas ng Department of Justice (DOJ) laban kay suspended Bamban Tarlac Mayor Alice Guo.
Sinabi ni BI Commissioner Norman Tansingco na natanggap nito ang 3-pahinang ILBO na may petsang Hunyo 21 mula sa DOJ na inisyu laban kay Mayor Alice Leal Guo, isang Guo Hua Ping, at 17 iba pa.
Ang ILBO ay inisyu ng DOJ para atasan ang BI na i-double check kung mayroong anumang nakabinbing warrant of arrest laban sa mga naturang indibiduwal, anumang paglabag o paglabag, o upang subaybayan ang kanilang mga itinerary at kung nasaan ang mga ito sakaling subukang umalis ng bansa.
Ayon sa nasabing ILBO, kung isasaalang-alang ang bigat ng kaso, maaaring subukan ng mga akusado na tangkain ng mga itong umiwas sa batas at lumabas ng bansa.
Nakasaad din sa kautusan na maghahain ng precautionary Hold Departure Order (HDO) laban sa mga akusado.
Sinabi ni Tansingco na ang alerto ay naka-encode sa kanilang system para ma-detect ng BI officers ang anumang pagtatangkang bumiyahe ng mga ito.
Samantala, noong Hunyo 23, nang masabat ng BI ang Isang babaeng Chinese national na kasama sa ILBO.
Kinilala ang dayuhan na si Zhang Jie, 30-anyos, na nagtangkang sumakay ng eroplano patungong Jinjiang, China mula sa Davao International Airport (DIA).
OnlineBalita news 