NDRMMC pinakikilos ni Senador Panfilo Lacson

Ni NOEL ABUEL

Iginiit ni Senador Panfilo Lacson na dapat mag-convene ang National Disaster Risk Reduction and Management Council (NDRRMC) para agad na kumilos ang mga miyembro ng gabinete at ng mga ahensya ng pamahalaan para gamitin ang Quick Response Funds (QRF).

“I would suggest that the National Disaster Risk Reduction and Management Council (NDRRMC) be convened immediately so the members of the Cabinet can mobilize the different agencies using their Quick Response Funds (QRF) and other relevant appropriations available under their disposal, among others,” sabi ni Lacson.

Ayon sa senador, dapat na magsumite ang Office of Civil Defense (OCD) ng initial Post Disaster Needs Assessment (PDNA) sa mga lugar na sinalanta ng nagdaang bagyong Odette.

Sa pamamagitan aniya nito ay magagabayan ang Pangulo na malaman kung sino ang dapat na unang makatanggap ng tulong.

Samantala, sa panig aniya ng Department of Foreign Affairs (DFA), sinabi nitong dapat na kumilos at makipag-usap sa iba’t ibang ambassadors sa bansa upang humingi ng tulong sa international community.

“For its part, the DFA may also call on the international community of nations for relief assistance just like how they responded to Haiyan (Yolanda) eight years ago,” dagdag pa ng senador.

Ayon kay Lacson, ang pagtatalaga kay Department of Social Welfare and Development (DSWD) Secretary Rolando Bautista bilang interim crisis manager ay isang hakbang tungo sa tamang direksyon.