Ni NOEL ABUEL
Iginiit ni Anakalusugan party list Rep. Mike Defensor na hindi naaayon na ipatupad ang blanket liability disclaimers ng mga bangko sa kaso ng mga depositors na nawalan ng pera dahil sa pagha-hack sa computer system nito.
Ayon sa mambabatas, ang mga depositors na nawalan ng pera dahil sa computer hacking ay dapat maghain ng pormal na reklamo sa Bangko Sentral ng Pilipinas (BSP) sakaling tumanggi ang mga bangko na kilalanin ang nangyari sa account ng mga depositors.
“The BSP has an administrative mechanism in place to provide remedy to aggrieved depositors who feel that they’ve been treated unfairly by their banks,” ani Defensor.
Payo pa nito sa mga naging biktima ng hacking na magpadala ng email sa BSP’s Consumer Assistance Desk sa consumeraffairs@bsp.gov.ph.
Samantala, binalewala ni Defensor ang blanket disablility disclaimers sa terms and conditions ng mga bangko na hindi aniya maaaring ipatupad kapag ang mga depositors ay mawalan ng pera sa ilalim ng mga kondisyon kung saan wala silang pagkakamali.
“If you are a blameless depositor and you lose money because the bank’s computer system got hacked, and illegal transfers were made out of your account, then the bank has no choice but to reimburse your losses,” ani Defensor.
“Certain provisions of bank adhesion contracts, such as sweeping liability denials, may be voided or disregarded by regulators and the courts, if it is found that innocent depositors lost money because of security breaches in the bank’s computer system,” dagdag pa nito.
OnlineBalita news 