Ni NOEL ABUEL
Nanguna si Anakalusugan party list Rep. Mike Defensor sa lumabas na survey laban sa katunggali nito sa mayoral race sa Lungsod Quezon.
Sa survey na isinagawa ng The Issues and Advocacy Center noong Disyembre 13 hanggang Disyembre 19, 51 porsiyento ng mga respondents ay pumabor kay Defensor na mas mataas sa 19 porsiyento na nakuha ni Mayor Maria Josefina Tanya Belmonte Alimurung.
“I hope residents of Quezon City would continue to support us so we can have a fresh and a proactive leadership in the city. We should end the reign of the 30-year-old Belmonte dynasty,” sabi ni Defensor.
Si Defensor na kasama sa Malayang Quezon City ticket na sumusuporta sa kandidatura nina presidential candidate Ferdinand “Bongbong” Marcos Jr. at Davao City Mayor Sara Duterte.
Samantala, ang vice mayoral running mate ni Defensor na si District 2 Councilor Winnie Castelo gayundin ng mga congressional candidates nito ay malaki ang margins sa mga katunggali ng mga ito.
“We, our team, can sustain this. Our performance, our tireless service to our people speaks for itself,” sabi ni Castelo.
Nabatid na ang The Issues and Advocacy Center ay binubuo ng mga professional public relations at media practitioners kung saan maliban sa Quezon City ay nag-survey din ito sa lungsod ng Pasay City, Pasig City, Caloocan City, Makati, San Juan, Navotas, at Pateros.
OnlineBalita news 