Ni NOEL ABUEL
Isinusulong ni Las Piñas Rep. Camille Villar na gawing regular district office ng Land Transportation Office (LTO) Las Piñas Extension Office para makatulong na mapagserbisyuhan ang mga motorista para pagpaparehistro at pag-iisyu ng driver’s license.
Sa inihain nitong House Bill No. 10499 , isinulong ni Villar na tuluyan nang gawing regular district office ang LTO-Las Piñas Extension Office na magbebenepisyo sa mga drivers at may-ari ng mga sasakyan para mapabilis ang transaksyon sa ahensya.
“Upgrading of services means development and converting the LTO office from its present extension status to a regular district office would mean faster processing of transactions and shorter queues in application and registration,” sabi ng mambabatas.
Paliwanag ni Villar na ang panukala ay nakapaloob sa inilabas na LTO Memorandum Circular 2020-2200 o ang Guidelines on the Creation of LTO District Offices na nagsasaad na mapadali ang proseso ng pagpaparehistro ng sasakyan at pagkuha ng lisensya.
Sa sandaling maging batas, ang inisyal na pondo ng bagong district office ay kukuhanin sa kasalukuyang pondo ng Las Piñas LTO Extension Office habang sa mga susunod na taon ay kukunin ang pondo sa annual national budget.
“It would ease the difficulties being encountered by owners and drivers of motor vehicles. Necessarily, it means safety of the sector,” dagdag pa ni Villar.
OnlineBalita news 