Hiniling ni Quezon City Rep. Alfred Vargas sa Kongreso na hikayatin ang Department of Education (DepEd) at Commission on Higher Education (CHEd) na pakinggan ang mga estudyante, magulang, at guro para sa health breaks at academic ease.
Sa inihain nitong resolusyon, suportado ni Vargas ang panukala ng academic groups sa DepEd at CHEd na bawasan ang trabaho ng mga guro at workloads at requirements ng mga estudyante dahil na rin sa patuloy naa pagtaas ng COVID-19 cases sa bansa.
“With the alarming increase in COVID-19 cases affecting our fellow Filipinos’ mental well-being and the financial capacity of families – as well as the capacity of our learners and students to cope and adjust in a healthy way – government must explore innovative, compassionate, and proactive programs and policies that address these real concerns,” sabi ni Vargas.
Nakasaad din sa resolusyon na ang pandemya ay hindi lang usapin ng physical health kung hindi lalo na sa mental health.
Paliwanag pa nito na sa kasalukuyang sitwasyon sa public health kabilang na ang pagkalat ng Omicron variant, ay may negatibong epekto sa buhay ng milyun-milyong estudyante, magulang at mga guro sa buong bansa kung saan ilang academic groups ang nanawagan ng ‘academic health break’ o ‘academic ease’.
Inihalimbawa pa ni Vargas ang pahayag ng Quezon City Public School Teachers Association (QCPSTA) at iba pang grupo na dumaraming guro at estudyante at magulang ang nagkakasakit simula ng pasukan noong Enero 3.
“Amidst the changing policy landscape of this pandemic, the DepEd and the CHED have been supportive of the physical and mental health care needs of learners and teachers, recognizing the need to prioritize physical and mental resilience and well-being,” ayon pa sa kongresista.
OnlineBalita news 