Ni RHENZ SALONGA
Nakapagtala ang Department of Health (DOH) ng panibagong dagdag na kaso na nasa 37,070 ng COVID-19 kung saan umabot na sa 3,242,374 ang kabuuang COVID-19 infections sa buong bansa.
Base sa pinakahuling datos na inilabas ng DOH, ang mga bagong kaso ay kabilang ang 36,001 o 97 porsiyento na naitala sa loob ng 14-araw mula Enero 4 hanggang Enero 17, 2022.
Idinagdag pa ng DOH na ang mga rehiyon na nakapagtala ng maraming kaso ng COVID-19 virus ang Metro Manila na nasa 13,061 o katumbas ng 36 porsiyento habang ang Calabarzon ay nakapagtala ng 9,048 o katumbas ng 25 porsiyento at Central Luzon na nasa 4,173 o katumbas ng 12 porsiyento%.
Samantala, mayroon namang 33,940 bagong gumaling kung saan umabot na sa 2,898,507 ang nakaligtas at umabot na sa kabuuang 52,929 ang mga pumanaw matapos na madagdagan ito ng 23 nasawi.
OnlineBalita news 