Ni NOEL ABUEL
Suportado ni Senador Christopher “Bong” Go, ang Department of Health (DOH) sa inilunsad nitong “Basic Kalinga Kit” para sa mga COVID-19 patients.
Ayon kay Go, ipinarating ni DOH Secretary Francisco Duque III na natapos na nito ang pagsasaayos sa 35,000 COVID-19 care kits na naglalaman ng 20 piraso ng face masks, bote ng sanitizer, sabon at gamot sa tulong na rin ng World Health Organization (WHO) at ng Procter & Gamble Company.
“Salamat po sa Department of Health at sa private sector dahil napakalaking bagay po talaga itong naging inisyatibo ng DOH lalo na po para sa mga kababayan nating tinamaan ng sakit na COVID-19,” ani Go.
“Isa lang po ito sa mga hakbang upang mapalakas pa ang ating COVID-19 response at hindi bumagsak ang ating healthcare system. Sa paraan na ito ay marami pa tayong kababayan na matutulungan lalo na po ‘yung mga mahihirap,” dagdag pa nito.
Muling inulit ni Go ang kahalagahan ng pangangalaga sa kalusugan ng bansa lalo na sa gitna ng patuloy na pagkalat ng COVID-19 case dahil sa mga bagong variant.
“Now, more than ever, we need to focus our resources on health. As Chair of the Committee on Health, I will ensure that we have sufficient funds to improve our COVID-19 response and assist our recovery efforts,” giit nito.
Samantala, muling iniapela ni Go na ipasa na sa lalong madaling panahon ang Senate Bill No. 2158 o ang pagtatag ng Philippine Center for Disease Control and Prevention (CDC) na malaking tulong para maiwasan ang pagkalat pa ng virus sa bansa. “In other countries, Centers for Disease Control have been instrumental in this pandemic. As experts in the field of infectious diseases, they are at the forefront of the health battle against COVID-19. It is high time for us to have our own CDC. President (Rodrigo) Duterte acknowledges this and has previously urged Congress to pass this important measure,” paliwanag pa ni Go.
OnlineBalita news 