Ni NOEL ABUEL
Bilang na ang araw ng mga na sa likod ng fake booking at hoax orders.
Ito ay matapos na ipasa na sa huli at ikatlong pagbasa ng Senado ang Senate Bill No. 2302 na mas kilalang An Act Providing Measures to Protect Individuals Engaged in Food, Grocery, and Pharmacy Delivery Services.
Nakasaad sa panukala na mahigpit na poproteksyunan ang mga delivery riders at general public mula sa fake delivery bookings at ituturing na itong isang criminal act.
Ang Senate Bill No. 2302 na iniakda nina Majority Leader Juan Miguel “Migz” F. Zubiri, Senador Lito Lapid, Senador Joel Villanueva at Senador Aquilino “Koko” Pimentel III na siyang sponsor eng nasabing panukala, .
Sinabi ni Pimentel na nakakaalarma na ang dumaraming bilang ng fake bookings at hoax-orders lalo na at maraming tao na ang umaasa sa online bookings ng pagkain, groceries at gamot dahil sa pandemya.
“This representation recently found out that an additional service called ‘Pabili or Pasabay’ is being offered by online delivery service providers wherein a customer may get the service of the online delivery service platform to buy products. It is the delivery driver or rider who advances the payment,” ani Pimentel.
“If this bill is passed into law, that arrangement of the driver or rider advancing the money to fulfill an online order shall no longer be allowed,” dagdag nito.
Sa ilalim ng panukalang batas, ang mga delivery service providers ay oobligahin na sagutin ang gastos sa mga biktima ng fake bookings at hoax-orders.
“It is the online delivery service application (or app) provider who is in business and the delivery driver or rider is just an agent, to use an all-encompassing generic term, of the business. Hence, all losses of the business must be borne by the businessman, the app provider,” paliwanag pa ni Pimentel.
Sinumang delivery service providers na lalabag sa panukalang batas ay pagmumultahin ng P100,000 at pagbawi sa lisensya at business permits ng mga ito.
OnlineBalita news 