Ni KAREN SAN MIGUEL
Inilagay na ng Inter-Agency Task Force for the Management of Emerging Infectious Diseases (IATF-EID) ang National Capital Region (NCR) at pitong iba pang mga probinsya sa ilalim ulit ng Alert Level 2 mula Pebrero 1 hanggang 15.
Inihayag ito ni Cabinet Secretary Karlo Nograles kung saan maliban ang Metro Manila, kasama rin sa ibaba sa Alert Level 2 ang lalawigan ng Batanes, Bulacan, Cavite, Rizal, Biliran, Southern Leyte, at Basilan.
Sa ilalim ng Alert Level 2, ang mga establisimiyento at mga aktibidad ay pahihintulutan sa 50 percent indoor capacity para sa mga fully vaccinated nang indibidwal, at 70 percent outdoor capacity naman.
Maliban dito suspendido na rin ang implementation ng “No Vaccine, No Ride” policy, base na rin sa naunang mga pahayag ng Department of Transportation (DOTr).
Samantala, ang mga lugar naman na sumusunod ay nasa ilalim ng Alert Level 3 kabilang ang Cordillera Administrative Region: Abra, Apayao, Baguio City, Benguet, Kalinga at Mountain Province.
Gayundin ang Dagupan City, Ilocos Norte, Ilocos Sur, La Union, Pangasinan; Santiago, Cagayan, Isabela, Nueva Vizcaya at Quirino; Angeles City, Aurora, Bataan, Nueva Ecija, Olongapo City, Pampanga, Tarlac, Zambales; Batangas, Laguna, Lucena City at Quezon Province; Marinduque, Romblon, Occidental Mindoro, Oriental Mindoro at Puerto Princesa City.
OnlineBalita news 