Scholarship sa incoming Grade 7 at Grade 8 students samantalahin– solon

Ni NOEL ABUEL

Nanawagan si Senador Christopher “Bong” Go sa mga incoming Grade 7 at Grade 8 students na samantalahin ang ikalawang taunang scholarship competition na ginaganap sa National Academy of Sports.

Ayon kay Go, chairman ng Senate Committee on Sports dapat na samantalahin ng mga naghahangad na maging student-athletes upang makatapos ng pag-aaral at maging bahagi ng national team.

Nabatid na ang  NAS Annual Search for Competent, Exceptional, Notable, and Talented Student-Athlete Scholars (NASCENT SAS) ay itinatag upang magbigay ng scholarships sa natatanging kabataang Filipino athletes.

Nakapaloob sa nasabing scholarship ang anim na taong libreng pag-aaral kung saan makakatanggap din ng buwanang allowance, libreng board and lodging sa NAS Dormitory at maaaring gumamit ng specialized sports training sa world-class facilities sa NAS Campus sa New Clark City sa Capas, Tarlac. 

“It is an honor to help provide these opportunities for students who wish to achieve more in their lives and help make a difference through proper education and sports development. During my first month as a senator, I dreamed of establishing an educational institution that would specialize in sports development,” sabi ni Go.

“Looking back, I am delighted that all the hard work has finally paid off and we are on the path toward sports excellence,” dagdag nito.

Sa kasalukuyan, nasa 64 student-athlete scholarships ang tinanggap ng NASCENT SAS.

Sinumang interesadong aplikante ay dapat na incoming Grade 7 o Grade 8 students; natural-born Filipino citizens; general weighted average ng nasa 80%; at hindi lalagpas sa 14 o 15 taong gulang sa mga  incoming Grade 7 at Grace 8 students sa pagsisimula ng 2022-2023 school year.

Ayon kay Go, sentro ng NAS na pagsasanay sa aquatics, athletics, badminton, gymnastics, judo, table tennis, taekwondo at weightlifting.

Ang lahat ng application forms at ng mga kinakailangang dokumento ay dapat na personal na isumite sa tanggapan ng NAS o maaari ring ipadala sa e-mail sa nascentsas@deped.gov.ph sa darating na Abril 12, 2022.