Ni NOEL ABUEL
Pinaiimbestigahan ni Senador Richard J. Gordon sa Senado ang dumaraming bilang ng nabibiktima ng cybertheft sa bansa.
Sa inihaing Senate Resolution no. 987 ni Gordon, nais nitong imbestigahan ng Senado ang dumaraming bilang na nabibiktima at natatangayan ng pera mula sa kanilang mga bank accounts ng mga government employees.
“The Senate must spearhead an inquiry, in aid of legislation, on strengthening existing pertinent legislation on cybersecurity in close cooperation with law enforcement… to adequately protect the Filipino people, particularly those most vulnerable and the financial security of their persons and families essentially relying on our collective cybersecurity,” sabi ni Gordon.
Base sa ulat, naalarma ang Department of Education (DepEd) dahil sa maraming empleyado nito ang nagkakaroon ng unauthorized withdrawals mula sa kanilang payroll accounts sa Land Bank of the Philippines.
Ayon kay Benjo Basas, ng Teachers’ Dignity Coalition, 20 guro at ilang tauhan ng DepEd ang natangayan ng nasa P160,000 hanggang P200,000 ng mga nasa likod ng phishing.
“The Senate is compelled to act on the vicious commission of cybercrimes against the Filipino people, particularly against teachers and other public servants, private employees, and businesses taking away their hard-earned savings, violating their financial security, assaulting their cybersecurity, and disregarding their rights,” ani Gordon.
Inihalimbawa nito ang Cybercrime Prevention Act, na nagsasaad na dapat proteksyunan at bantayan ang integridad ng mga computer at computer systems, networks, at databases mula sa misuse, abuse, at illegal access.
Ayon naman sa Consumer Protection Group, nakapagtala na ng 10,323 reklamo sa unang bahagi pa lamang ng taong 2020.
Inalala ni Gordon ang kahalintulad na pangyayayari sa Social Security Service (SSS) members na nabiktima ng nasabing krimen.
OnlineBalita news 