Sa pagbihirang pagkakataon ay nagawang makuha ng Marcos-Sara tandem ang suporta ng magkakatunggaling pulitiko sa lalawigan ng Pangasinan.
Sa pagtungo nina presidential candidate at dating Senador Ferdinand “Bongbong” Marcos, Jr. at Davao City Mayor Sara Duterte, sa nasabing lalawigan, nagkaisa ang mga political leaders nito na ibigay ang suporta na tinawag na ‘solid north’.
Nabatid na sina reelectionist Gov. Amado “Pogi” Espino III at Pangasinan Congressman at gubernatorial candidate Ramon “Mon-Mon” V. Guico III ay inendorso ang kandidatura ng Marcos-Sara tandem.
Si Espino, na kandidato ng administration party Partido Demokratiko Pilipino-Lakas ng Bayan (PDP-Laban), kasama si Lingayen Mayor Leopoldo Bataoil ng National Unity Party (NUP), ay tinanggap ang pagdating ni Marcos at Duterte sa Provincial Capitol.
Una nito, nangampanya sina Marcos at Duterte sa katabing lalawigan ng Pangasinan, ang La Union kung saan nakuha ng mga ito ang suporta ni Governor Emmanuel “Pacoy” Ortega III ng Nationalist People’s Coalition (NPC).
“Of course siyempre, kung ano naman, very loyal naman po tayo at the same time kay Presidente [Rodrigo Roa Duterte], siyempre ‘yung programa ng ating President malamang itutuloy rin naman…ng ating mahal na magiging Vice President Sara,” sabi ni Espino.
“Ilocos province ito, Ilocos region siyempre masasabi mo na rin yon ngayon, [for] BBM-Sara dahil nandito na si Ma’am Sara, lagi ko naman sinasabi ‘yung anong loyalty ko sa ating Presidente siyempre naibibigay natin sa ating vice president, kay Ma’am Sara at kung saan si Ma’am Sara, nandoon ako siyempre,” dagdag nito.
Sinabi naman ni Guico, ng Nacionalista Party (NP), tinitiyak aniya nito ang landslide victory sa BBM-Sara sa vote-rich Pangasinan, na sinasabing mayroong dalawang milyong registered voters.
“Regardless of political colors, I think Pangasinan is united for BBM-Sara. I’m very confident [it’s a landslide]…almost all of our group ‘yung Team Aguila, we are fully supporting the vice presidential bid of Mayor Inday Sara Duterte. Lahat po kami full support. Kaya all districts na-represent dito sa event na ito,” sabi nni Guico.
“Pangasinan has almost has two million voters so a lot of our allies have command votes in their respective municipalties and cities. Kaya I’m sure we can deliver a lot for Team UniTeam, kina BBM at Sara,” aniya pa.
Samantala, sa lungsod ng Alaminos kasabay ng inagurasyon ng SARA for VP Alaminos Headquarters, Pangasinan, siniguro rin nina Rep. Christopher V.P. De Venecia at dating Pangasinan Rep. Rachael Arenas, na tumaktabo rin sa Kongreso, ang panalo ng BBM-Sara sa probinsya.
“We have to ensure bilang isang ka-partido ni Ma’am Inday Sara Duterte at siya ang aming standard-bearer na dapat makapag-deliver din ang Pangasinan for Ma’am Inday, so ‘yan ‘yung i-ensure natin, kakarerin natin and maraming activities po ang Lakas-CMD para kay Ma’am Inday,” sabi ni De Venecia.
“Sobra tayong excited kasi matagal na natin siyang sinusubaybayan bilang isang mamamayan. Talagang namamangha tayo sa kanya, especially napakagaling na mayor ng Davao na tuwing nandoon ako, talagang malinis, very orderly, very progressive at very honored tayo sa Lakas-CMD na siya ang ating chairman at siya ang ating standard-bearer bilang pagka pangalawang pangulo. So alam naman natin na ang partidong Lakas ay itinaguyod ng aking ama (former Speaker Jose de Venecia, Jr.) kasama si FVR (former President Fidel Ramos) at saka si [former Sen. Raul Manglapus]. So nakikita natin na ang susunod na henerasyon ng mga lider ay Lakas-CMD and excited tayo para manindigan at para ikampanya si future Vice President Inday Sara Duterte,” pahayag pa nito.
OnlineBalita news 