Solon sa OWWA: Tulungan ang mga OFWs sa Hong Kong

Ni NOEL ABUEL

Nanawagan si ACT-CIS party list Rep. Rowena Niña Taduran sa Konsulado ng Pilipinas sa Hong Kong na alamin ang sitwasyon ng lahat ng overseas Filipino workers (OFWs) sa Special Administrative Region ng China sa paglabas ng mga ulat hinggil sa mga ilegal na pagtanggal sa trabaho ng mga domestic helpers dahil sa COVID- 19 virus.

Ayon sa House Asst. Majority Leader, nakiusap ito kay  Overseas Workers Welfare Administration (OWWA)  chief Hans Leo Cacdac na iligtas ang  mga OFWs sa kalsada at bigyan ng pagkain at pansamantalang matitirhan.

Sinabi rin ni Cacdac kay Taduran na nasa proseso na sila ng pagkumbinsi sa mga employer na pabalikin ang mga OFWs sa gitna ng tumataas na kaso ng Covid-19 Omicron variant sa Hong Kong.

“I was told by Administrator Cacdac that there are 41 OFWs who have been found positive with Covid-19 and are already in the hospital or in the isolation areas. Some of them are under the care of non- government organizations. Their cases are not severe but they need medical attention. I think it’s not enough that they just heed the call of those who ask for their help. The government should look into the situation of the other OFWs in Hong Kong who might not be able to call or personally appeal for help because of certain circumstances. Hindi puwedeng hihintayin lang ng konsulado na tawagan sila ng mga nanghihingi ng tulong,” ayon kay Taduran.

Nagpahayag ng pagkabahala ang mambabatas sa mga ulat na ang ilang OFWs ay tinatanggal sa trabaho ng kanilang employers kapag nalamang mayroon silang mga sintomas ng COVID-19, at napu-puwersa ang mga itong matulog sa labas sa gitna ng napakalamig na panahon.

“I have heard also of reports saying that these OFWs get terminated by their employers just because they insist on using their day off. I understand that employers are afraid that their helpers could contract Covid-19 outside. But they can not deny their right to rest and use their day off, even if these employers offer additional pay, and the helpers do not agree to that,” pagdidiin ni Taduran.

“Employers should not repudiate an employment contract with an OFW who has contracted COVID-19 or used her right for a day off. Baka ginagamitan sila ng issue ng serious misconduct kung ipinipilit nilang mag-day off, kahit karapatan naman nila ‘yun,” dagdag ni Taduran.

Sa ilalim ng Employment Ordinance and Standard Employment Contract sa Hong Kong, hindi maaaring basta tapusin ng employer ang kontrata sa pagtatrabaho ng isang OFW o sinumang foreign domestic helper dahil lamang nagkaroon ito ng sakit dulot ng COVID-19.