NI NERIO AGUAS
Muling naglabas ng babala ang Bureau of Immigration (BI) laban sa nagkalat na illegal recruiters at human trafficking syndicate na nabuhay muli para mambiktima ng mga Filipino na nais na magtrabaho sa ibang bansa.
Sinabi ni BI Commissioner Jaime Morente na base sa datos na naitala noong 2021, matagumpay na nasagip ng BI ang nasa 688 na tangka ng human trafficking at illegal recruitment sa mga international ports sa bansa.
“Over the year, we have observed the tactics of these illegal recruiters. The victims would usually be given fake documents or fed fake statements, either to work illegally abroad or to attempt to depart for countries with imposed deployment bans,” sabi ni Morente.
Sinabi pa nito na ang babala ng ahensya ay upang imulat ang panganib na maging biktima ng human trafficking lalo na sa panahon ng global pandemic.
Nabatid na sa parehong taon, pinigilan ng BI ang pag-alis ng bansa ng nasa 13,680 pasahero noong 2021 kung saan karamihan sa mga ito ay walang sapat na dokumentasyon.
“In these trying times, Filipinos in dire financial need become easy prey to illegal recruiters who will assure them of lucrative jobs abroad,” aniya pa.
Sinabi naman ni BI TCEU Head Ma. Timotea Barizo, na madalas na nagiging modus operandi ng mga human trafficking syndicates ay pekein ang Overseas Employment Certificates (OECs) at dayain ang Philippine Overseas Employment Administration (POEA) forms.
“There are instances when departing passengers would present fake stamps supposedly to appear that their documents were cleared by the POEA,” ayon pa kay Barizo.
Isa pa sa nadiskubre ng BI ay ang paggamit ng counterfeit o invalid working visas sa mga first-time OFWs, o Balik-Manggagawa o ng mga nagbabakasyong OFWs.
“In some cases, we find OECs that are valid but do not match the visa of the passenger. This is also considered illegal, as it lists the OFW under a certain job, only to end with a different work, with a significantly lower salary than what was agreed upon,” paliwanag pa ni Barizo.
Idinagdag pa ni Barizo na isa pang scheme na ginagawa sa mga nagbabalak na maging OFWs ay bigyan ng valid OECs at employment documents ngunit binibigyan din ng hiwalay na visa para magtrabaho sa ibang employer sa ibang bansa.
Ang mga pasahero ay karaniwang magpapakita ng mga dokumento sa trabaho sa mga bansang Maldives, Saudi Arabia, Bahrain, Qatar, at Albania, subalit sa huli ay sa United Arab Emirates (UAE) ang aktuwal na huling destinasyon ng mga ito.
Dagdag pa rito na talamak pa rin ang recruitment sa mga menor-de-edad para magtrabaho bilang household service workers (HSWs) sa ibang bansa.
Karamihan sa mga nasagip ay may edad na 17-anyos hanggang 21-anyos na nagtataglay ng pagkakakilanlan ng ibang tao at nagpapakita ng mapanlinlang na nakuhang pasaporte sa mga paliparan upang matugunan ang pinakamababang edad na kinakailangan para sa mga HSWs na 23-anyos.
Sinabi pa ni Barizo na maliban sa pamemeke ng employment documents, inuutusan din umano ng mga human traffickers at illegal recruiters ang biktima na magsinungaling sa immigration officers sa tunay na dahilan ng pagbiyahe nito.
Ilan sa tinukoy nito ang ilang pasahero na gumagamit ng marriage certificates upang magkunwting bibisitahin ang mga karelasyon sa ibang bansa.
“Upon inspection by our forensic documents laboratory, the certificates are found to be genuine, but the marriages were sham, the victims did not even know their supposed spouses,” sabi pa ni Barizo.
Sinabi pa ni Morente na dapat pang maghigpit ang BI sa mga Filipinong nais umalis ng bansa at tukuyin ang mga sangkot sa human trafficking at illegal recruiters.
“Victims are being enticed with high paying jobs abroad with fake visas, made-up stories, and other fraudulently-acquired travel documents. It is disappointing that this happening even during these trying times,” ayon pa kay Morente.
“This is a type of modern-day slavery. They will entice you with a promise of a better life, only to end up heavily indebted, and sometimes even stranded abroad. Do not fall prey to such schemes. Aspiring OFWs should protect themselves by following the law and observing the policies aimed at protecting their rights,” dagdag nito.
OnlineBalita news 