Ni MJ SULLIVAN
Ipinagharap ng Bureau of Internal Revenue (BIR) Revenue Region No. 7A – Makati City ng kasong kriminal sa Department of Justice (DOJ) ang 16 na delinquent taxpayers kaugnay ng kabiguang magbayad ng tamang buwis na umaabot sa ₱186.11 milyon.
Kasong paglabag sa Section 255 in relation to Sections 253 and 256 ng National Internal Revenue Code of 1997, ang 13 korporasyon na kinilalang Ahensya Modelo Inc. at ang managing director nitong si Pamela P. Castillo, at treasurer na si Patrocinio P. Castillo; Bagumbong Realty Corp. at pangulo nitong si Juan Victor R. Llamas at treasurer na si Carmela C. Guinto; LTI Lakeside Technologies Inc. at pangulo nitong si Mark Calvin Dunn at treasurer na si Ma. Gina B. Leria; ang Hytruck Machineries Inc. at pangulo nitong si Bonifacio B. Roncales at treasurer na si Gloria A. Roncales.
Gayundin, ang Louie Morales Image Dimensions Inc. at ang pangulo nitong si Ma. Milagros F. Camahort; ang True Value Hardware Corp. at pangulo nitong si Alfonso M. Recto Jr.; ang Manna Insurance Agency Inc. at pangulo nitong si Rosalina G. Rabano; ang Level Up Inc. at pangulo nitong si Tan Tgow Lima at treasurer na si Goh Kian Khoon; ang The Doughnut People Inc. at pangulo nitong si Michael O. Trillana at treasurer na si Asuncion O. Trillana; ang Lucky Charm Pub & Restaurant Corp. at pangulo nitong si Maritess C. Connally at treasurer na si Jemelle Caballero; ang CD Industries Inc. at pangulo nitong si Cesar S. Domingo at treasurer na si Salvador A. Obusan; ang ACI Pharma Inc. at pangulo nitong si Mariella Ann K. Sahay at treasurer na si Larissa K. Sahay;
At ang Peg South East Asia Inc. at pangulo nitong si Marc R. C. Lambert at treasurer na si Jaysa C. Ganza. Kasama rin sa kinasuhan sa kahalintulad ng kaso sina Susan M. Entrata, Sharon Grace DG. Cantos at Loraine Icel Co Dy.
Base sa records ng BIR Makati, ang mga respondents ay pinadalhan na ng Letter Notices, Letters of Authority (LOA), Subpoena Duces Tecum (SDT), Preliminary Assessment Notices (PAN), Final Assessment Notices (FAN) / Formal Letters of Demand (FLD) with Details of Discrepancies, at Final Decision on Disputed Assessments (FDDA) with Details of Discrepancies ngunit nabigo ang mga itong magbayad o magprotesta at magsumite ng kaukulang dokumento na magpapatunay na tama ang ibinayad na buwis o maaari ring magsumite ng apela sa Court of Tax Appeals (CTA).
Gayundin, nagsagawa ang BIR ng collection and enforcement strategies sa pamamagitan ng Preliminary Collection Letters (PCL) at Final Notices Before Seizure (FNBS) ngunit nabigo pa rin ang mga nasabing kumpanya na magbayad.
OnlineBalita news 