Ni NOEL ABUEL
Kinastigo ni Senador Pia Cayetano ang Philippine Athletics Track and Field Association (PATAFA) sa pagmamatigas nitong kilalanin si world-class pole vaulter Ernest John “EJ” Obiena at payagang makapaglaro at irepresenta ang Pilipinas sa mga international sports competitions.
“Wow, PATAFA, your actions demonstrate the worst of Philippine sports! Talagang okay lang sa inyo na wala tayong representative sa mga major international sports competitions?” sabi ni Cayetano.
Aniya, sa kabila ng malinaw na paliwanag ni Obiena sa pagdinig ng Senado na nabayaran na nito ang kanyang coach ay nagmatigas ang PATAFA at ibinasura ang hiling ng world-class pole vaulter na iendorso ito sa SEA Games, Asian Games, at iba apng world athletics events.
“PATAFA has chosen to deprive Filipinos of being represented by this talented young man who holds the Asian record, has reached Top 3 in the world pole vault rankings, and was #1 recently in the Orlen Cup and Orlen Copernicus Cup in Europe. The Philippines deserves better than PATAFA,” giit pa ng senador.
Si Obiena, na may hawak ng Asian record sa men’s pole vault, ay sumulat sa PATAFA noong Pebrero 24 para hilingin na iendorso ito sa world indoors sa Belgrade na gagawin sa Marso 18 haggang Marso 20); sa 31st Southeast Asian Games sa Hanoi sa May 12 hanggang May 23); sa World Championships sa Eugene, Oregon, sa Hulyo 15 hanggang Hulyo 24) at sa 19th Asian Games sa Hangzhou sa Setyembre 12 hanggang Setyembe 25, ngunit ibinasura ito ni PATAFA Training Director Renato Unso.
OnlineBalita news 