Ni NERIO AGUAS
Natuklasan ng Bureau of Immigration (BI) ang bagong modus-operandi ng ilang overseas Filipino workers (OFWs) na gumagamit ng mga menor-de-edad para makapagtrabaho sa ibang bansa.
Ayon kay BI Travel Control and Enforcement Unit (TCEU) Chief Ma. Timotea Barizo, natuklasan nito ang bagong estilong ginagawa ng mga Filipino na nagnanais na magtrabaho sa ibang bansa gamit ang mga bata.
Nabatid na naharang ng BI ang isang overseas worker na nagtangkang bumiyahe palabas ng bansa kasama ang menor-de-edad na anak at asawa nito.
“Upon secondary inspection, we noted numerous red flags and inconsistencies in his statements.He did not have proper documentation to prove his purpose, and we highly suspect that this is only a guise to be able to depart the country and work abroad,” sabi ni Barizo.
Sinabi pa nbito na marami pang pagkakataon na nakaengkuwentro ito ng iba’t ibang modus ng mga OFW para maitago ang tunay na dahilan ng pagbiyahe ng mga ito sa ibang bansa.
“Many times, these aspiring overseas workers are improperly documented, and some even have connecting flights to other countries that they don’t present during inspection,” ayon pa kay Barizo.
Samantala, ipinaalala ni BI Commissioner Jaime Morente sa mga OFWs na siguruhing may maayos na dokumento mula sa Philippine Overseas Employment Administration (POEA) bago umalis at makapagtrabaho sa ibang bansa.
“Legitimate OFWs get immediate assistance and protection from the government in case they encounter trouble in their countries of destination. Those who leave illegally become vulnerable and are prone to abuse, hence we remind those who wish to seek employment abroad to always secure their jobs through legitimate means,” paliwanag pa ni Morente.
OnlineBalita news 