Suspensyon sa fuel tax igigiit sa administrasyon ni Robredo – solon  

Ni NOEL ABUEL

Siniguro ni House Deputy Speaker at Cagayan de Oro Rep. Rufus Rodriguez na isusulong nito ang pagsuspende sa fuel taxes sa sandaling manalo sa darating na eleksyon si Vice President Leni Robredo upang mabigyan ng agarang lunas ang mga Filipino mula sa patuloy na pagtaas ng presyo ng produktong petrolyo.

“I am optimistic that the Vice President will win on May 9. We will try to convince her to temporarily suspend fuel taxes while the cost of crude oil in the world market is high due to Covid-19 pandemic and Russia’s invasion of Ukraine,” sabi nito.

Aniya, maaari umanong tumanggi si Robredo na pansamantalang isuspende ang fuel tax, batay sa pahayag nito na sa halos lingguhang pagtaas ng presyo ng lahat ng produktong petrolyo sa bansa.

Sa panukala ni Rodriguez, nais nitong isuspende ang fuel taxes sa loob ng apat na taon hanggang  2025.

Sinabi pa ng kongresista na hindi nito maunawaan ang mahigpit na pagtutol ng Department of Finance (DOF) sa temporary tax suspension na panawagan hindi lamang ng mga mambabatas kundi ng iba’t ibang sektor kabilang na ang public utility drivers.

Aniya, nararamdaman ng mga nasa sektor ng pampublikong transportasyon na ang benepisyo na ipinagkakaloob ng pamahalaan na financial assistance program ay hindi sapat para hindi maramdaman ang mataas na presyo ng langis at pangunahing bilihin.

“They are of the view that shelving excise taxes whenever the cost of crude is high would be more meaningful and would have an across-the-board impact on the population,” ayon pa kay Rodriguez.

Bagama’t nauunawaan naman aniya nito ang DOF na malaki ang mawawala sa kaban ng bayan kung ipatutupad ang tax suspension subalit pansamantala lamang naman ito dahil sakaling magbalik ang normal na sitwasyon ay maaaring bawiin ang suspensyon.

“I can understand where the DOF is coming from. But the loss is only temporary, since collection will resume once the price of crude oil goes down. Besides, the 12-percent value added tax will still be there, and VAT revenues will increase due to the higher price of crude,” giit nito.