Ni NERIO AGUAS
Bumagsak na sa kamay ng Bureau of Immigration (BI) ang isang American national na wanted ng US federal authorities kaugnay ng money laundering at theft.
Kinilala ni Immigration Commissioner Jaime Morente ang naarestong dayuhan na si Renato Rivera Cuyco Jr., 48-anyos, na naaresto ng mga operatiba ng fugitive search unit (FSU) ng BI sa condominium unit nito sa Bonifacio Global City sa Taguig.
Ayon kay BI-FSU acting chief Rendel Ryan Sy, may warrant arrest laban kay Bucoy na inilabas ng US district court sa New Jersey na may petsang Mayo 1, 2018 dahil sa money laundering at theft by deception.
Nag-ugat ang kaso laban dito sa pagkakasangkot sa illegal acquisition at pagbebenta ng 58 luxury vehicles sa third-party export companies at sa unsuspecting buyers kung saan kumita ito ng nasa US$3 milyon.
Natuklasan din na si Bucoy ay undocumented alien matapos bawiin ng US State Department ang pasaporte nito.
Sinabi naman ni Morente na si Bucoy ay agad na ibabalik sa US sa sandaling mailabas ang summary deportation laban dito ng BI board of commissioners.
“He was also already placed in our immigration blacklist, thus he is banned from re-entering the country for being undesirable alien,” sabi ni Morente.
Kasalukuyang nakadetine sa BI warden facility sa Camp Bagong Diwa, Taguig City si Bucoy habang inihahanda ang dokumento para sa deportasyon nito.
OnlineBalita news 