Ni NOEL ABUEL
Minaliit lamang ni Quezon City mayoral candidate at Anakalusugan party list Rep. Michael “Mike” Defensor ang pakikipag-alyansa ng katunggali nitong si Quezon City Mayor Joy Belmonte kay Vice President Leni Robredo.
“We expected their alliance from the start because they (Belmonte and Robredo) go back a long way,” ani Defensor na tinukoy na hindi na ito nagulat dahil sa batid nitong noong tumakbo bilang vice president noong 2016 si Robredo ay sinuportahan din ito ni Belmonte.
Naniniwala aniya ito na mas matibay at malakas ang kampo nina dating Senador Ferdinand “Bongbong” Marcos Jr. at Davao City Mayor Sara Duterte na nag-endorso dito para maging alkalde ng Quezon City.
Nanindigan din si Defensor na ang Marcos-Duterte tandem ay mananalo ng landslide sa Quezon City na mayroong 1.4 milyong registered voters.
“Our projection is that the Marcos-Duterte tandem could receive up to 64 percent of the votes in Quezon City, depending on the number of people that will actually go out and cast their ballots on May 9,” sabi pa ni Defensor.
Sa pinakahuling Pulse Asia survey na isinagawa noong Marso 17-21, napanatii ni Marcos ang malaking lamang nito sa mga katunggali sa presidential race na nasa 56 percent voter support laban sa 24 porsiyento kay Robredo.
Sa kahalitulad din aniyang survey nakapagtala si Duterte ng 56 percent voter support laban kay Senador Francis Pangilinan na nakakuha lamang ng 15 porsiyento.
OnlineBalita news 