Ni NERIO AGUAS
Sinisiguro ng Bureau of Immigration (BI) na nakahanda ito sa darating na Holy Week bunsod ng inaasahang pagdagsa ng mga papaalis at paparating na lokal at dayuhang turista.
Sinabi ni BI Commissioner Jaime Morente, na bantay-sarado ng BI ang lahat ng paliparan at pantalan sa buong bansa upang matiyak na magiging maayos ang magiging transaksyon sa mga turista.
“Historically, the number of passengers really rise during Holy Week and other such long breaks. This year as the country re-opens its borders, we expect that the numbers will again rise,” paliwanag ni Morente.
Tinataya ng BI na nasa 12,000 hanggang 14,000 ang daily arrivals para sa kasalukuyang buwan.
“This number could actually increase during the holy week, and we’ve made sure that our personnel are on full force to ensure smooth and efficient processing of passengers,” sabi ni Morente.
Samantala, iginiit ni Morente na may sapat na immigration officers sa Ninoy Aquino International Airport (NAIA) Terminal 3 para asikasuhin ang mga pasahero ngunit dahil sa dami ng dumagsa sa paliparan ay humaba ang pila.
“Upon investigation, we found out that there was barely any line at the immigration area. There are a lot of agencies and entities processing passengers at the airport, and at times there is confusion as to which agency is in charge of certain procedures,” ayon pa dito.
Sinabi naman ni BI Port Operations Division (POD) Chief Atty. Carlos Capulong na ang electronic gates ng BI ay fully operational para magamit sa pagdating ng mga pasaherong Pinoy na kakailanganin lang ng 8 segundo para tuluyang maproseso.
OnlineBalita news 