NI NOEL ABUEL
Ipinangako ni Cebu Governor Gwen Garcia na magbibigay ito ng mahigit sa 1 milyong boto para kina Partido Federal ng Pilipinas (PFP) standard-bearer Ferdinand “Bongbong” Marcos Jr. at Lakas-Christian Muslim Democrats (CMD) vice presidential candidate Davao City Mayor Sara Duterte.
Ayon kay Garcia, ang lider ng One Cebu local party, ginawa nito ang pahayag sa panayam ng mga mamamahayag matapos ang UniTeam mega festival rally sa City di Mare, Filinvest Grounds sa SRP Coastal Road.
“You do the math by comparison, I think we will be greater than what can be the previous margins of votes, lamang, and it also helps BBM and Inday Sara are way ahead over their next [closest rival]…and so certainly we would also have to give that tribute back to the UniTeam,” paliwanag ni Garcia nang matanong kung maibibigay ng Cebu sa UniTeam tandem ang malaking boto pabor kina Marcos at Duterte.
Ang nasabing rally ay inorganisa para sa UniTeam ng One Cebu local party sa pangunguna ni Garcia, Lakas-CMD president at House Majority Leader Martin G. Romualdez, at Tingog party-list Rep. Yedda Marie K. Romualdez.
Isinalarawan naman ni Marcos ang nasabing rally na pinamalaki kung ikukumpara sa ibang lugar na pinuntahan ng UniTeam.
“Alam ko po marami sa inyo ay kanina pa nag-antay, kanina pa nagbilad sa araw, pero hindi kayo umaalis kaya ngayon ang bilang ng rally ay ito na ang pinakamalaking rally sa buong kampanyang ito,” sa pahayag ni Marcos.
Sa pagtataya ni Garcia, aabot aniya sa mahigit sa 300,000 ang dumalo sa nasabing rally ng BBM-Sara UniTeam.
“Sabi ko I do not wish to give numbers, but if we do a little review and that happened in the past, in 2004 we delivered, imagine lamang, and we talked about votes, a margin of 1.2 million, margin of GMA (Gloria Macapagal-Arroyo) over FPJ (Fernando Poe Jr.),” sabi pa ni Garcia.
“If you recall she won the presidency in 2004, due [to] the margin of about 1.1 or 1.2 [million] and that is why she took her oath of office here,” dagdag pa ng gobernador na tinukoy si Arroyo.
Noong panahong tumakbo rin aniya si Davao City Mayor Rodrigo Duterte noong 2016 presidential race ay ganito rin ang nangyari.
“In 2016 President Rodrigo Roa Duterte ran, One Cebu truly support the candidacy of PRRD and won with a margin of about of 1.2 [million], a margin again, lamang, over Mar Roxas,” sabi pa ni Garcia.
“Ngayon I’m governor, the mayor of Cebu City, the mayor of Lapu-Lapu City, the mayor of Mandaue City and I representing 44 towns and six component cities have now thrown our support behind the UniTeam so kaya for the first time, we have this One Cebu island phenomenon,” dagdag pa ni Garcia.
OnlineBalita news 