NI NOEL ABUEL
Tinanggap na ni presumptive vice president at Davao City Mayor Sara Duterte ang alok ni presumptive presidential candidate at dating Senador Ferdinand “Bongbong” Marcos Jr. para pamunuan ang Department of Education (DepEd) sa darating na administrasyon.
Sa inilabas na kalatas ng kampo ni Duterte, Lakas-CMD and regional party Hugpong ng Pagbabago (HNP) chairperson, pinasalamatan nito ang UniTeam running mate na si Marcos sa alok na posisyon,
“I wish to express my gratitude to presumptive President Bongbong Marcos for the confidence in me to lead the Department of Education,” sabi ni Duterte.
Sinabi ni Duterte na bago ang election campaign, nagkausap na ito sa posibilidad na pamunuan nito ang Department of National Defense (DND).
“But seeing the way things are at the moment, I expect that people who want to see the new administration to fail will fabricate intrigues about my loyalty and the DND position to break the UniTeam,” ani Duterte.
Idinagdag pa ng winning vice presidential candidate na muling pinag-usapan na rin aniya nito at ni Marcos kung papaano matutulungan ang bansa.
“It was decided that I would work on producing skilled learners with the mindset to realize their full potential as individuals. Our country needs a future generation of patriotic Filipinos that advocate peace and discipline in their respective communities,” giit ni Duterte.
Pinasalamatan din ni Duterte si DepEd Secretary Leonor Briones at ang buong organisasyon ng DepEd sa kahandaan ng mga ito na makipagtulungan sa transition of leadership matapos ang proklamasyon,
“We recognize the sincerity, hard work, and dedication of Sec. Liling in implementing education reforms under the Duterte administration,” ani Duterte.
OnlineBalita news 