Ni NOEL ABUEL
Sinisiguro ni House Speaker Lord Allan Velasco na magiging mabilis, transparent at may kredibilidad ang gagawing canvassing ng boto at proklamasyon ng mananalong pangulo at pangalawang pangulo sa katatapos na May 2022 national elections.
Ito ang sinabi ni Velasco sa nakatakdang joing public session ng Kamara at Senado para mag-convene bilang National Board of Canvassers (NBOC) na mandato ng Konstitusyon para magbilang ng boto at magproklama ng susunod na pangulo at pangalawang pangulo.
“The Congress, sitting as the NBOC, is duty-bound to make sure that the entire process of vote counting and transmission of results will be done expeditiously and with utmost transparency and integrity,” sabi ni Velasco.
Napagkasunduan na umano ng dalawang Kongreso ang pagtatakda ng gagawing proklamasyon sa mga nanalo sa darating sa Mayo 27.
“We will perform our constitutional duty quickly and efficiently. We will be combining accuracy and speed in order for us to meet our committed timeline,” pagsisiguro ni Velasco.
Sinabi pa nito na hindi makakasagabal ang disqualification case laban kay presidential candidate Ferdinand “Bongbong” Marcos Jr. sa Supreme Court sa gagawin ng Kongreso.
“Our duty to canvass is mandated by the Constitution itself. Nothing therein says that this duty is suspended while a case, which has already been dismissed by the Commission on Elections, is pending with the Supreme Court,” ayon pa kay Velasco.
“We are bound to proclaim the winning President and Vice President, and uphold the will of the people with dispatch,” dagdag pa nito. Bukas, Mayo 23, magbabalik ang Kamara at Senado sa sesyon at isagawa ang joint resolution na nagko-convene sa Kongreso para mag-joint session at NBOC para sa dalawang pinakamataas na opisyal ng bansa.
OnlineBalita news 