NI NERIO AGUAS
Aabot sa 150,000 trabaho ang naghihintay sa mga naghahanap ng trabaho sa darating na Linggo, Araw ng Kalayaan sa buong bansa.
Ayon sa Department of Labor and Employment (DOLE) nasa 149,192 local at overseas job opportunities ang maaaring samantalahin sa face-to-face Trabaho, Negosyo, Kabuhayan Job and Business Fairs na sasalihan ng 1,160 employers sa buong bansa.
Karamihan sa mga bakanteng trabaho sa 25 job fair sites ay mula sa manufacturing, business process outsourcing, financial activities, at construction.
Sinabi ni DOLE Sec. Silvestre Bello III na para naman sa local employment ay maaaring samantalahin ang 111,351 trabaho sa production operators; customer service representatives; micro finance officers/loan officers; sewers/sewing mechanics; at masons, carpenters, at laborers na bubuksan ng 1,072 employers.
Samantala, 37,828 overseas jobs sa United Arab Emirates, Bahrain, Qatar, Kuwait, Singapore, Taiwan, Japan, Germany, the United Kingdom, at Australia ay bubuksan ng 88 recruitment agencies.
Tinukoy na nangunguna sa overseas vacancies ay posisyon na nurses; factory workers; household service workers; carpenters, electricians, masons at cleaners.
May employment opportunities din para sa government sector tulad ng jail officers, police officers, enforcement officers, chemists, researchers, lawyers, geologists, at revenue officers.
Sinabi ni Bello na ang main job fair site sa Hunyo 12 ay gagawin sa Bulacan Capitol Gymnasium sa Malolos City, Bulacan, kung saan mahigit sa 12,000 trabaho ang bubuksan ng 146 employers.
Ang iba pang job fair sites sa Hunyo 12 ay sa National Capital Region – Robinsons Place Manila; Pasig City Sports Complex; Vista Mall Taguig; Cordillera Administrative Region – Bishop Carlito Cenzon Sports Center, St. Louis University; Ilocos Region – Don Leopoldo Sison Convention Center, Alaminos, Pangasinan; CSI The City Mall, San Fernando, La Union; Candon Civic Center, Candon City, Ilocos Sur; Nepo Mall, Dagupan, Pangasinan; Cagayan Valley Region – Robinsons Place Tuguegarao; Centro Mall, Santiago City; CALABARZON – Metro Centro Mall, Sta. Cruz, Laguna; MIMAROPA – Citimall, Calapan City, Oriental Mindoro.
Gayundin sa Bicol Region – Sorsogon Provincial Gymnasium; SM City Bacolod, Bacolod City, Negros Occidental sa Western Visayas; Robinsons Galleria Cebu and Lamberto Macias Sports Complex, Dumaguete City sa Central Visayas; at Robinsons North Tacloban sa Eastern Visayas.
Habang sa Mindanao, ang job fair sites ay sa Zamboanga Peninsula – Eastwing, Ground Floor, KCC Mall de Zamboanga, Zamboanga City; Northern Mindanao – 2nd Floor Event Center, Limketkai Center, Cagayan de Oro City; Davao Region – NCCC Mall, Buhangin, Davao City; SOCCSKSARGEN – Events and Convention Center, 3F KCC Mall of GenSan, General Santos City; CARAGA – Robinsons Place Butuan, Butuan City.
OnlineBalita news 