NI NOEL ABUEL
Nanawagan si House Majority Leader at Leyte 1st district Rep. Martin G. Romualdez sa mga kapwa nito mambabatas at mga Filipino na magtulungan para matupad ang plano ni Pangulong President Ferdinand “Bongbong” Marcos Jr. na roadmap sa pagbangon ng bansa.
Ito ang sinabi ni Romualdez matapos ang inaugural address ni Marcos sa National Museum sa Manila kung saan binanggit nito ang mga ilalatag na programa at proyekto sa loob ng anim na taong panunungkulan nito.
“The President has a clear vision of his mission, of what he wants to accomplish for the nation, and of what needs to be done. It is our moral responsibility to support him and help him and his administration,” sabi ni Romualdez, na dumalo sa nasabing okasyon.
Aniya, hihintayin ng Kamara at ng mga kongresista ang legislative proposals ng bagong administrasyon na ihaharap nito sa lehislatura.
Pinuri rin nito si Marcos at si Vice President Sara Duterte-Carpio na tutuparin ng mga ito ang kanilang pangako noong nangangampanya pa na pag-iisahin ang taumbayan para sa ikatatagumpay ng bansa.
Naniniwala aniya ito na magiging mahusay na lider ng bansa si Marcos sa makabagong panahon.
“He made history by being the first majority President in modern times. I am sure he has his eyes on other extraordinary feasts by having a legacy Filipinos will be proud of for many years and by being a great President,” sabi pa ni Romualdez.
“President Marcos will play a pivotal role in uniting the nation which is key to moving the country to greater heights,” dagdag pa nito.
OnlineBalita news 