NI NERIO AGUAS
Iniulat ng Department of Public Works and Highways (DPWH) na nakatakdang nang simulan ang pagsasaayos ng female barracks building sa loob ng Camp Aguinaldo sa Quezon City.
Pinangunahan nina DPWH National Capital Regional Director Nomer Abel P. Canlas, Armed Forces of the Philippines Civil Relations Service (AFPCRS) Commander Major General Manuel V. Sequitin at iba pang opisyal ng Philippine Army ang groundbreaking ceremony para sa pagsisimula ng konstruksyon ng tatlong palapag na gusali na magiging barracks ng mga babaeng tauhan ng Civil Relations Service.
May kabuuang ₱52 milyon, ang naturang gusali ay sasakop sa 1,620-square-meter area sa Camp Aguinaldo kung saan ang dalawang palapag ay magiging headquarters at tanggapan ng mga AFP officials habang sa ikatlong palapag ay magiging living quarters.
“Constructing this barracks building is our way of showing our continued support to our dedicated AFP officers and enlisted personnel, at the same time to address the inadequate, outdated facilities inside the camp,” sabi ni Director Canlas.
Sa kasalukuyan, ang barracks building ay isa sa apat na isinasagawang TIKAS projects na ipinatutupad sa Camp Aguinaldo na pinondohan sa ilalim ng convergence program ng DPWH at ng Department of National Defense.
OnlineBalita news 