NI NERIO AGUAS
NAGPALABAS ng abiso ang Department of Public Works and Highways (DPWH) sa lahat ng motorista at commuters sa Quezon City na muling magsasagawa ng road reblocking sa kahabaan ng Epifanio Delos Santos Avenue (EDSA) at iba pang lugar sa lungsod simula ngayong alas-11:00 ng gabi.
Ayon sa DPWH, ang road rehabilitation activities ay isasagawa sa bahagi ng EDSA Northbound: sa kahabaan ng Santolan MRT Station, bus lane; sa P. Tuazon flyover hanggang Aurora Tunnel, 3rd lane mula sa center island (fast lane); Aurora Boulevard hanggang New York Street, 3rd lane mula sa center island (intermittent section); at Kamuning Road at Kamias Road hanggang JAC Liner Bus Station, sa center island ng Quezon City.
Isasara rin ang road section ng EDSA Southbound mula Balingasa Creek hanggang Oliveros Footbridge sa Quezon City para sa isasagawang repair works.
Samantala, sasailalim din sa repair works sa Quezon City sa Fairview Avenue Southbound malapit sa Mindanao Avenue Extension, 1st lane mula sa center island; Cloverleaf (CHN.000 – CHN 258) patungo sa NLEX Northbound; at Cloverleaf (CHN.000 – CHN 234) patungo sa NLEX Southbound.
Pinapayuhan ang mga motorista na dumaan sa mga alternate routes hanggang sa magbukas ang mga nasabing apektadong kalsada hanggang alas-5:00 ng madaling-araw sa araw ng Lunes, Hulyo 25, 2022.
OnlineBalita news 