NI NOEL ABUEL
Nakakita ng pag-asa ang isang kongresista na maipapasa na ang pagtatayo ng Department of Water Resources (DWR) at Water Regulatory Commission matapos maisama sa legislative agenda ni Pangulong Ferdinand “Bongbong” Marcos Jr. na inihayag nito sa kanyang kauna-unahang State of the Nation Address (SONA).
Sinabi ni Bagong Henerasyon party list Rep. Bernadette Herrera na nagpapasalamat ito kay Marcos dahil sa malaking posibilidad na maipasa na ang panukalang batas na DWR at WRC na hindi naipasa noong nakalipas na Kongreso.
“I authored bills seeking to create the DWR and the Water Regulatory Commission in the past Congresses, but these measures did not see the light of day. I refiled these measures this 19th Congress and this time I’m optimistic about the bills’ prospects after the President declared that the creation of DWR forms part of his legislative agenda,” sabi ni Herrera.
“We also welcome the President’s promise to look into the precarious water supply situation in urban areas and other parts of the country,” dagdag nito.
Sinabi pa ni Herrera na magandang panimula ang nais ng administrasyong Marcos sa Kongreso na talakayin sa lalong madaling panahon ang 19 na priority measures na binanggit nito.
Kabilang din sa tinukoy ng beteranong mambabatas na magandang balita ang “Broadband ng Masa” project ng pamahalaan na naglalayong makarating sa malalayong lugar ang internet connectivity.
“I am extremely happy that this administration puts premium on internet connectivity. I fully support the President in his desire to provide better internet connectivity, which has become a paramount issue in the daily lives of Filipinos during the pandemic when many of us were forced to work or study from home,” sabi nito.
OnlineBalita news 