NI NOEL ABUEL
Pinuri ng isang kongresista ang mga ahensya ng pamahalaan sa desisyon nitong dagdagan ang araw ng hemodialysis services mula 90 ay gagawing 144 sessions na makikinabangan ng nasa 36,000 indigent patients.
Sinabi ni Kabayan party list Rep. Ron Salo na nagpapasalamat ito sa Philippine Health Insurance Corporation (PhilHealth), sa Department of Health (DOH) na nagsulong ng dagdag sa coverage ng hemodialysis services base sa Board Resolution No. 2718, s. 2022.
Sa ilalim ng Circular No. 2022-0017 na inilabas noong Agosto 3, 2022, naglabas ang PhilHealth ng panuntunan sa pagkuha ng Outpatient Hemodialysis Benefit Package.
Ang mga pasyenteng may chronic kidney disease stage 5 (CKD-5) ay papayagang makatanggap ng 144 hemodialysis sessions sa taong 2022 base sa prescription ng kanilang doktor.
“The increased coverage gives hope and allays the fear of CKD-5 patients whose families are deeply anxious where to get the payments for the dialysis sessions of their loved ones beyond the original coverage of 90 sessions,” paliwanag ni Salo.
Ipinahayag ni Salo ang pag-aalala ng mga hemodialysis patients at kanilang pamilya nang makausap nito si PhilHealth OIC Executive Officer Eli Dino Santos at ng iba pang PhilHealth officials noong Hulyo 26, 2022.
Agosto 1, 2022, nang makapulong ng kongresista si DOH OIC USec. Maria Rosario Vergeire na tumiyak na mangyayari ang isinasaad ng nasabing circular.
“This timely intervention is immensely welcomed as this will help many of our countrymen and women who are fighting to prolong their lives,” sabi pa ni Salo.
Sa datos ng PhilHealth, nasa 2.3 milyong Filipinos ay mayroong CKD at noong 2016, mahigit sa 36,000 pasyente ang sumasailalim sa dialysis treatment na nagpapakita ng pagtaas ng 15% porsiyento sa bilang ng mga pasyente sa loob ng isang taon.
“The increase in CKD patients among the population is alarming because if left untreated, CKD leads to death. The problem is further aggravated by the expensive cost of hemodialysis services,” babala pa ng mambabatas.
OnlineBalita news 