Aftershocks ibinabala ng Philvolcs sa Mindanao region

Magnitude 5.9 naitala

NI MJ SULLIVAN

Nagpalabas ng babala ang Philippine Institute of Volcanology and Seismology (Phivolcs) sa mga residente ng Mindanao region sa inaasahang mamakaranas ng malakas na aftershocks kasunod ng naitalang magnitude 5.9 sa Maguindanao kahapon.

 Ayon sa Phivolcs, dapat asahan ang mga aftershocks sa mga susunod na araw dahil na rin sa malakas na naitalang lindol kahapon ng alas-2:25 ng hapon.

Natukoy ang sentro ng lindol sa layong  030 km kanluran ng Datu Blah T. Sinsuat, Maguindanao at may lalim na 011 kms at origin ay tectonic.

Naitala ang intensity VI sa Datu Blah T. Sinsuat, Maguindanao, habang intensity V sa South Upi at Upi, Maguindanao; Cotabato City; Esperanza, Lebak, Palimbang, Kalamansig, Sen. Ninoy Aquino, at Bagumbayan, Sultan Kudarat.

Intensity IV naman sa General Santos City; Zamboanga City; Pagadian City; Isabela City, Basilan; Antipas, Alamada, Tulunan, Pigcawayan, Kabacan, Pikit and Banisilan, Cotabato; Koronadal City, Tupi, Polomolok, Santo Niño, Surallah, Tampakan, Lake Sebu and Banga, South Cotabato; Kiamba and Maitum, Sarangani; Lutayan at Isulan, Sultan Kudarat; Datu Odin Sinsuat at Sultan Kudarat, Maguindanao.

Samantalang intensity III naman sa Ozamiz City; Midsayap, M’lang, Arakan at Makilala, Cotabato; Tantangan, Norala, at T’boli, South Cotabato; Pres. Quirino at Columbio, Sultan Kudarat; Maasim at Alabel, Sarangani; Pitogo at Labangan, Zamboanga del Sur; Liloy, Zamboanga del Norte; Payao, Siay and Diplahan, Zamboanga Sibugay; Sta. Cruz at Kiblawan, Davao del Sur.

Naramdaman din ang intensity II sa  Dipolog City; Cagayan de Oro City; Davao City; Kidapawan City; El Salvador City; Aleosan, Cotabato; Kadingilan, Kalilangan, City of Malaybalay, Manolo Fortich, Don Carlos, Cabanglasan, at Valencia City, Bukidnon; Malapatan at Malungon, Sarangani; Lambayong, Sultan Kudarat; Leon B. Postigo, Siayan, Sindangan, Gutalac, and Tampilisan, Zamboanga del Norte; Ipil, Zamboanga Sibugay; Tubod, Liamon, Balo-i, Kauswagan, Bacolod, Maigo, Lala, Kapatagan at Iligan City, Lanao del Norte.

 Intensity I rin sa Dapitan City; Malitbog at Libona, Bukidnon; Tagoloan at Initao, Misamis Oriental; Jose Abad Santos, Davao Occidental.

 Samantala, sa instrumental intensities nakapagtala ng intenisty IV sa T’boli, Surallah, Tupi, Santo Niño, Koronadal City, South Cotabato; Kiamba, Sarangani; intenisty III sa Glan, Maasim, at Alabel, Sarangani; Zamboanga City; Columbio at Isulan, Sultan Kudarat; Intenisty II sa Kidapawan City; Cagayan de Oro City, Misamis Oriental; Malaybalay, Bukidnon; Intensity I sa Davao City; Nabunturan, Davao de Oro; Gingoog City, Misamis Oriental.