NI MJ SULLIVAN
Niyanig na magnitude 5.5 na lindol ang lalawigan ng Davao del Sur at ilang karatig lugar nito kaninang hapon.
Ayon sa Philippine Institute of Volcanology and Seismology (Phivolcs), ganap na alas-4:23 ng hapon nang maitala ang malakas na lindol na natukoy sa layong 011 kilometro ng Magsaysay, Davao del Sur.
May lalim itong 006 km at tectonic ang origin.
Naramdaman ang intensity V sa Kidapawan City; Davao City; Tupi at Polomolok, South Cotabato; Malungon, Sarangani habang intensity IV naman sa Sta. Cruz, Bansalan, Digos City, at Matanao, Davao del Sur; Koronadal City; Tampakan, Norala, at Banga, South Cotabato; Alabel, Sarangani; Lutayan, Columbio, Pres. Quirino, Senator Ninoy Aquino, Sultan Kudarat; Tulunan and M’lang, Cotabato.
Naitala naman ang intensity III sa Cotabato City; Tantangan, Surallah, Kiamba, at Glan, Sarangani, Palimbang, Isulan, Tacurong, at Esperanza, Sultan Kudarat; Magpet, Arakan, Pigcawayan at Pres. Roxas, Cotabato samantalang intensity II naman sa Maasim, Sarangani.
Sa instrumental intensities, naramdaman naman ang intensity V sa Kidapawan City, Cotabato; Tupi, South Cotabato; intensity IV sa Davao City, Davao Del Sur; Alabel, Sarangani; Koronadal City, General Santos City, South Cotabato; Columbio, Sultan Kudarat; intensity III sa Kiamba, Glan, Sarangani; Surallah, T’Boli, Santo Nino, South Cotabato; intensity II sa Nabunturan, Davao de Oro; Maasim, Sarangani; intensity I sa Gingoog City, Misamis Oriental.
Nagbabala rin ang Philvolcs sa posibilidad na magkaroon pa ng aftershocks sa mga susunod na oras at araw.
Samantala, ganap namang alas-4:19 ngayong hapon naramdaman ang magnitude 4.3 na lindol sa Ilocos Norte.
Natukoy ang sentro ng lindol sa layong 017 km silangan ng Carasi, Ilocos Norte at may lalim na 075 km at tectonic ang origin.
Naramdaman ang intensity IV sa Pasuquin at Laoag City, Ilocos Norte habang intensity III sa Sinait at Vigan City, Ilocos Sur: Claveria, Cagayan at Intensity I sa Gonzaga at Peñablanca, Cagayan.
OnlineBalita news 