Proteksyon ng mga delivery riders iginiit ng kongresista

NI NOEL ABUEL

Nanindigan si Pinuno party list Rep. Howard Guintu na panahon nang bigyan ng proteksyon ang mga motorcycle riders, delivery riders mula sa panloloko ng ilang csotumers at scammers.

Sa inihain nitong House Bill No. 3784, ang mga service providers ay pagbabawalan nang obligahin ang mga delivery riders na mag-abono mula sa order na pagkain, grocery, at gamot ng customers nito.

Paliwanag ng kongresista, naaalarma ito sa dumaraming bilang ng mga ulat at reklamo ng mga deliver riders na nabibiktima ng pekeng booking o ng scammers.

“Delivery riders and drivers lose money when they receive fake or hoax orders or when customers cancel their orders even though the items ordered have already been paid by the delivery riders or drivers,” sabi ni Guintu.

“These fraudulent acts result in a waste of time, effort, and money on the part of the delivery riders or drivers. Even worse, customers making fake or hoax orders use fake names, contact numbers and/or addresses making it difficult for them to be traced and held accountable for collection,” dagdag pa nito.

Sa nasabing panukala, sinabi ni Guintu na tiyakin kung ang mga karapatan ng mga delivery riders ay napoprotektahan at iginagalang o kung ang obligasyon sa pagkain, grocery at pharmacy delivery ng service providers ay natutupad.

Nakapaloob din sa HB No. 3784 na tungkulin ng service provider na ituloy ang paniningil sa mga customer ng nagkakansela ng booking at obligasyon na kilalalin ang mga customer.

Idinagdag pa ito na ang mga service providers ay dapat na obligahin ang kanilang mga customers na magsumite ng pagkakakilanlan at tirahan.

“For better protection of the delivery riders or drivers, this measure includes prohibition against cancellation of confirmed orders, placing of hoax orders, refusal to receive the unpaid orders, and using another person’s personal information,” ayon pa kay Guintu.

Sakaling maging batas, mahaharap sa pagkakakulong ng anim na buwan at multang aabot sa P100,000 ang sinumang food, grocery, at pharmacy delivery service provider na ooblihahin ang delivery riders na mag-abono.

Samantala, ang mga customers na mapapatunayang gumagamit ng ibang personal information, nagkakansela ng orders, fake bookings o tumangging bayaran ang order ay mahaharap sa kulong ng anim na buwan at multang ₱100,000.