NI NERIO AGUAS
Tumanggap ng pagkilala ang Department of Public Works and Highways (DPWH) bilang isa sa mga ahensya ng pamahalaan sa Civil Service Commission’s (CSC’s) Contact Center ng Bayan (CCB) 10th Year Anniversary Virtual Summit.
Ang ‘Contact Center ng Bayan’, na itinatag noong 2012, ay kabilang sa complaint mechanism na pinangangalagaan ng DPWH Stakeholders Relations Service.
Sa virtual summit na may pamagat na 𝘾𝘾𝘽: 𝙄𝙨𝙖𝙣𝙜 𝘿𝙚𝙠𝙖𝙙𝙖 𝙣𝙜 𝙋𝙖𝙜𝙡𝙞𝙡𝙞𝙣𝙜𝙠𝙤𝙙, pinuri ng CSC ang mga pangunahing government agencies ng gobyerno kung saan ang DPWH ang nakakuha ng Top 1 sa resolution rate sa mga reklamo sa mga nakalipas na dekada.
Maliban sa DPWH, kasama rin sa mga awardees ang Metropolitan Manila Development Authority (MMDA), Philippine Overseas Employment Administration (POEA), Department of Labor and Employment (DOLE), Department of Foreign Affairs (DFA), Bureau of Immigration (BI), Philippine National Police (PNP), Land Transportation Franchising and Regulatory Board (LTFRB), Local Water Utilities Administration (LWUA), at Bureau of Customs (BoC).
Ang CCB ay nakapaloob sa Republic Act No. 9485, na mas kilalang Anti-Red Tape Act of 2007.
Habang ang Republic Act No. 11032 (RA 11032) o ang Ease of Doing Business and Efficient Government Service Delivery Act of 2018 ay kasama sa CCB bilang complaints mechanism sa Citizen’s Charter sa bawat ahensya ng pamahalaan.
Ang CCB’s report sa complaints resolution rate ay isa sa validation criteria para sa pamamahagi ng annual Performance Based Bonus from FY2021 onwards, na naayon sa Inter-Agency Task Force on the Harmonization of National Government Performance Monitoring, Information, and Reporting Systems (IATF AO25) Memorandum Circular No. 2021-1.
OnlineBalita news 