Ni NOEL ABUEL
“If a prison cell cannot stop a criminal from plotting and ordering the murder of another person, then the death penalty may be the only way to prevent the murder of innocent citizens and journalists like Percy Lapid.”
Ito ang iginiit ni Manila 6th District Rep. Bienvenido “Benny” Abante Jr., kasabay ng panawagang ibalik ang parusang kamatayan kasunod ng mga naglabasang impormasyon hinggil sa pagpatay kay Lapid na ibinulgar ng sumukong gunman na si Joel Escorial.
Si Abante, ang may-akda ng House Bill No. 4121, o ang Death Penalty Law, na muling magpapataw ng parusang kamatayan para sa mga krimen tulad ng pagpatay, pagtataksil, drug trafficking at pandarambong.
“This jail cell conspiracy that led to the tragic death of an outspoken journalist is proof that incarceration is not enough to stop criminals from committing more crimes,” sabi ng kongresista.
Sa ginawang pag-amin na inilabas sa media, inamin ni Escorial na nakatanggap ito ng utos na patayin si Lapid mula sa Bilibid inmate na si Crisanto Palana Villamor, na namatay dahil sa hindi matukoy na dahilan.
Ikinalungkot ni Abante na hindi ito ang unang pagkakataon na nakatuklas ng mga krimen na ginagawa mula sa loob ng kulungan.
Ipinunto ni Abante ang mga ulat ng illegal drug trafficking at paggamit ng droga sa mga preso ng New Bilibid Prison na lumutang na mula noong 2014, nang matuklasan ng sunud-sunod na raid ng mga alagad ng batas ang pagkakaroon ng shabu at iba pang drug paraphernalia sa mga air-conditioned quarter na itinayo para sa nahatulang mga nagbebenta ng droga.
“While these may have been already addressed, the disturbing reality is that as long as there are jailed criminals who have the resources to bribe, coerce, or even threaten our corrections officers, they remain a danger to society,” sabi ni Abante.
“In cases such as these, death is the only punishment that can neutralize them,” dagdag nito.
Aniya, taong 2006 nang ibasura ang parusang kamatayan, binibigyan ng Konstitusyon ang Kongreso ng kapangyarihan na muling ipatupad ito.
“Sec. 19 (1), Art. III of the Constitution states that “excessive fines shall not be imposed, nor cruel, degrading or inhuman punishment inflicted. Neither shall death penalty be imposed, unless, for compelling reasons involving heinous crimes,” ayon pa sa mambabatas.
OnlineBalita news 