NI NERIO AGUAS
Kinilala ng Department of Labor and Employment (DOLE) ang 19 Public Employment Service Offices (PESOs) dahil sa magandang serbisyo ng mga ito sa pagbibigay ng job facilitation services sa gitna ng COVID-19 pandemic.
Sa ginanap na 2022 National PESO Congress sa SMX Convention Center sa Mabalacat City, Pampanga, pinarangalan ng DOLE ang mga tinaguriang best-performing employment service offices.
Ang mga PESO nominees ay sumailalim sa ebalwasyon base sa kanilang innovative, resilient, at humanitarian activities na ipinatupad mula Enero hanggang Disyembre 2021.
Partikular na isinailalim sa pagsusuri sa mga PESOs ang kanilang mga bagong proyekto o programa o pag-upgrade sa kasalukuyang projects/programs na direktang nakalaan sa mga indibiduwal na nawalan ng trabaho dahil sa COVID-19 pandemic.
Ang mga nagwaging SBSA ay napili mula sa mga nominees mula sa lahat ng DOLE Regional Offices sa ilalim ng 10 kategorya.
Kabuuang 71 entries ang isinumite sa DOLE evaluation committee kung saan 59 entries ang naging kuwalipikado.
Ang nagwagi sa Secretary’s Bayanihan Service Award winners ay ang:
Hall of Fame
Tagum City; Province of Pampanga; Angono, Rizal;
Highly Urbanized City;
Davao City; Iloilo City
1st Class Province;
Davao Del Sur
2nd Class Province;
Lanao Del Norte; Surigao Del Norte
3rd-5th Class Province;
Aurora; Marinduque
Component and Independent Component City;
Ilagan City; Biñan City
1st-2nd Class Municipality;
Baliuag, Bulacan
3rd-4th Class Municipality;
Balungao, Pangasinan; Llanera, Nueva Ecija; Jimenez, Misamis Occidental; Magsaysay, Davao Del Sur
5th-6th Class Municipality;
Catarman, Camiguin
Job Placement Office;
University of Batangas
Ang mga nagwaging PESOs ay makakatanggap ng trophy at P100,000 bawat isa habang ang consolation prize ay P20,000 sa mga iba pang kuwalipikadong entries.
OnlineBalita news 