Brownlee binati ni Speaker Romualdez at ng mga kongresista

Ni NOEL ABUEL

Nagpahayag ng pagbati si House Speaker Ferdinand Martin G. Romualdez sa resident import ng Barangay Ginebra na si Justin Donta Brownlee sa pagiging isa nang Filipino citizen.

Ito ay matapos lagdaan ni Pangulong Ferdinand Bongbong Marcos Jr. ang Republic Act (RA) No. 11937 na nagtatakdang makatanggap ng Philippine citizenship ang Gilas import.

Sa House Bill (HB) No. 6224, na naging basehan ng nasabing batas, at iniakda ni Romualdez, at nina Cavite Rep. Elpidio “Pidi” Barzaga, Jr., at 1-Pacman Rep. Mikee Romero.

“You are now a Filipino. We hope that you will be a good citizen and an excellent example for our people, especially the youth. Lead the Philippine Gilas team to victory in the FIBA World Cup Qualifiers,” sa pahayag ni Romualdez kay Brownlee.

Kabilang din sa may akda sina Reps. Manuel Jose “Mannix” M. Dalipe, Gus S. Tambunting, Juliet Marie de Leon Ferrer, Roberto V. Puno, Margarita Ignacia B. Nograles, Jonathan Keith T. Flores, Ysabel Maria J. Zamora, Pablo John F. Garcia, Loreto B. Acharon, Ma. Rachel J. Arenas, Irwin C. Tieng, Ron P. Salo, Raul Angelo “Jil” D. Bongalon, Dante S. Garcia, Olga “Ara” T. Kho, Laarni Lavin Roque, Zaldy S. Villa, Divina Grace C. Yu, Jaime R. Fresnedi, Francisco Paolo V P. Ortega, Romeo M. Acop, Roy M. Loyola, Joseph Stephen “Caraps” S. Paduano, Jose Gay G. Padiernos, Raul “Boboy” C. Tupas, Dan S. Fernandez, Celso G. Regencia, Yevgeny Vincente B. Emano, Arnie B. Fuentebella, Paolo Z. Duterte, at Jeffrey Soriano.

Si Brownlee, 34-anyos, na mula sa Georgia, USA ay nagpahayag ng planong pagsali sa Gilas Pilipinas basketball team.

Nauna nang pinapurihan ni Romualdez si Brownlee sa kanyang pagnanais na maging isang mamamayang Pilipino at “makapag-ambag sa paghahanap ng kampeonato ng pambansang koponan sa FIBA ​​World Cup.

Pinasalamatan ni Brownlee ang pinuno ng Kamara, si Romero at iba pang miyembro ng Kamara sa pagsuporta sa panukalang batas na nagbibigay sa kanya ng Filipino citizenship.

Sa panukala, nag-aatas kay Brownless na sumumpa ng katapatan sa Republika ng Pilipinas sa Bureau of Immigration (BI) at matapos nito ay maglalabas ng certificate of naturalization kay Justin Donta Brownlee upang tuluyang matamasa nito ang pagiging Pinoy.