Ni NOEL ABUEL
Nakatakdang aprubahan ng Mababang Kapulungan ng Kongreso sa ikatlo at huling pagbasa ngayong linggo ang dalawa pang panukalang batas na kabilang priority measures ni Pangulong Ferdinand “Bongbong” R. Marcos Jr. at ng Legislative-Executive Development Advisory Council (LEDAC).
“We are doing our part in supporting the President’s socio-economic development agenda by passing these urgent proposed pieces of legislation that would sustain our economic growth and create more job and income opportunities for our people,” sabi ni Romualdez.
“We are inching toward accomplishing our goal of approving all of these priorities measures, thanks to the hard and tireless work of our colleagues,” dagdag nito.
Kabilang sa dalawang panukalang batas na nakatakdang ipasa sa huling pagbasa ay ang panukalang Philippine Salt Industry Development Act at Bureau of Immigration Modernization Act.
Dahil dito, nasa 33 LEDAC priority measures na ang inaprubahan ng Kamara at mayroong 42 bills pa sa listahan ng LEDAC.
Habang ang Natural Gas Industry Enabling Law, National Employment Action Plan, at Philippine Ecosystem at Natural Capital Accounting System Bill ay kasama sa LEDAC priority bill para sa pag-apruba sa ikalawang pagbasa bago ipagpaliban ang sine die.
Sinabi ni Romualdez na ang draft ng Philippine Salt Industry Development Act ay naglalayong buhayin ang namamatay na industriya ng asin sa bansa, na nag-aangkat ng malaking bahagi ng kalakal.
“We have to help the industry and the thousands of Filipinos and their families who depend on it for their livelihood. Our country is surrounded by seas. We can produce a lot of salt for our consumption and even for export,” ani Romualdez.
Aniya, kailangang tulungan ng gobyerno ang mga magsasaka ng asin sa pagsasanay, teknolohiya at pondo upang madagdagan ang kanilang ani, at sa marketing nito.
Kabilang sa mga probisyon ng panukalang batas ay ang paglikha ng Philippine Salt Industry Development Council at ang pagbabalangkas ng isang roadmap ng industriya ng asin sa Pilipinas.
Itinalaga nito ang Department of Agriculture, though its Bureau of Fisheries and Aquatic Resources (BFAR), bilang nangungunang ahensya sa pagbuhay at pagpapaunlad ng industriya ng asin.
Samantala, ang Bureau of Immigration Modernization Act ay naglalayong i-update ang 83 taong gulang na Immigration law, Commonwealth Act No. 613, o kilala bilang Philippine Immigration Act of 1940.
“The bill aims to modernize and streamline our immigration system to encourage international tourism and foreign investments that would boost the economy,” ayon pa kay Romualdez.
Kasabay nito, ire-refresh nito ang immigration law ng bansa upang masakop ang hamon sa immigration at migration and cross-border crimes, kabilang ang smuggling, illegal recruitment at human trafficking.
OnlineBalita news 