Sinaksihan ni Speaker Ferdinand Martin G. Romualdez ang paglagda ng alliance agreement sa pagitan ng Lakas-CMD at NP Party sa Kamara.
Ni NOEL ABUEL
Lumagda ng isang kasunduan ang iba’t ibang political groups na sumusuporta sa Lakas-Christian Muslim Democrats (Lakas-CMD).
Nagkakaisa ang Partido Demokratiko Pilipino-Lakas ng Bayan (PDP-Laban), National Unity Party (NUP), Nacionalista Party (NP), Nationalist People’s Coalition (NPC), Party-list Coalition Foundation Inc. (PCFI), Partido Navoteño, at Centrist Democratic Party of the Philippines (CDP) na nagpahayag ng suporta sa Lakas-CMD.
Hiwalay na nilagdaan ng mga political leaders ang kasunduan sa Lakas-CMD kung saan binanggit nimg mga ito ang ibinahaging pananaw ng isang malakas na republikabsa pamamagitan ng pagpapanatiling paglago at pag-unlad ng mga rehiyon sa bansa.
“In view of the shared vision of LAKAS-CMD and [PDP-Laban, NUP, NP, NPC, Partido Navoteño, and CDP], the parties have agreed tobreiterate their alliance in the House of Representatives,” nakasaad sa kasunduan.
Naging saksi sina Speaker Ferdinand Martin G. Romualdez, Pangulo ng Lakas-CMD; Senior Deputy Speaker Aurelio “Dong” Gonzales ng PDP-Laban, Agusan del Norte 1st District Rep. Jose “Joboy” S. Aquino II, secretary general ng Lakas-CMD; House Secretary General Reginald “Reggie” Velasco, at iba pang pinuno ng Kamara.
May hiwalay na nilagdaang kasunduan sina House Majority Leader Manuel Jose “Mannix” M. Dalipe, Lakas-CMD executive vice president; Palawan Rep. Jose Alvarez, PDP-Laban president; Deputy Speaker at Antipolo City 1st District Rep. Roberto Puno, NUP Vice Chairman for Internal Affairs; Romblon Lone District Rep. Eleandro Jesus F. “Budoy” Madrona ng NP; Rizal 1st District Rep. Michael John R. Duavit, NPC president; Ako Bicol party-list Rep. Zaldy Co, PCFI president; Navotas Lone District Rep. Tobias “Toby” Tiangco, Partido Navoteño chairman; at Cagayan de Oro City 2nd District Rep. Rufus Rodriguez, CDP president.
Binigyan-diin ng mga ito ang kanilang kasaysayan ng pagtutulungan habang nangakong patuloy itong gagawin para itulak ang legislative agenda ng administrasyong Marcos.
Ang kasunduan ng alyansa, na mananatiling may buong puwersa at bisa hanggang sa mag-adjourn ang 19th Congress sa 2025, ay naglalaman ng mga alituntunin at kundisyon.
Ikinatuwa ni Romualdez ang paglagda sa kasunduan sa alyansa, at sinabing ito ay isang malinaw na senyales ng kanilang hindi natitinag na pangako na magtulungan para sa pagpasa ng pro-people legislative agenda ni Pangulong Marcos.
“It also emphasizes the importance of unity and cooperation among all political parties. This is a critical message at a time when the country is facing a number of challenges,” sabi pa ni Romualdez.
“We have a lot of work ahead of us. By working together, we can help address
these challenges and build a better future for our fellow Filipinos,” dagdag nito.
OnlineBalita news 