Villar sa Antique gradutes: Maging matatag gaya ng kawayan

Ni NOEL ABUEL

Hinamon ni Senador Cynthia Villar ang mga nagsipagtapos sa University of Antique na maging pangunahing institusyon sa bamboo technology ang temang “BAMbUhAy! (Bago, Angat, at Makabuluhang bUhAy!).

Ginawa ng senador ang hamon sa ika-71st commencement exercises sa nasabing unibersidad kung saan sinabi ni Villar na naayon ang layuning ito sa local heritage ng Antique.

“As we know, bamboo symbolizes strength, flexibility, and growth. Just like bamboos, invest in nurturing your inner selves, cultivating resilience, and never fearing the occasional bend. Ultimately, you will return to your original form, stronger than ever before,” sabi ni Villar sa mga nagsipagtapos.

“Embrace the challenges with courage, face the unknown with determination, and let your passion be the driving factor to help you achieve things,” dagdag pa nito.

Sinabi pa ni Villar, chairperson ng Senate Committee on Agriculture na habang naghahanda sa panibagong paglalakbay ang mga mag-aaral ay dapat na may sandata at kaalaman ang mga ito upang magkaroon ng positive impact sa mundo.

Kagaya ng Antique, mahalaga rin ang kawayan sa kanyang hometown-Las Piñas.

“If there’s one thing that is unique about Las Piñas, my hometown, it is the Bamboo Organ, which is considered a Philippine National Treasure. It is the only 19th century Bamboo Organ in the Philippines that has survived and is still functioning,” ayon kay Villar.

Binanggit din nito ang kanyang patuloy na pagsusulong at suporta sa industriya ng kawayan.

May mga gawain din ito para sa kawayan at isa rito ang pangangalaga sa bamboo plantations na sinumulan nito sa tabi ng dalawang ilog sa Las Piñas.

Itinataguyod din ni Villar ang konserbasyon ng 2 Bambusetums na nagsisilbi ring parke at nagbibigay kaalaman sa mahigit 70 klase ng kawayan.

Suportado rin nito ang Las Piñas parol makers na kawayan ang gamit na frames.

Ini-isponsor din ng kanyang Villar SIPAG Farm School ang mga kurso sa bamboo propagation, nursery plantation management kasama ang TESDA.

“In the Senate, I principslly authored Senate Bill No. 615 or the Philippine Bamboo Industry Development Act of 2022, which seeks to institutionalize bamboo industry development in our country. This aims to make the Philippine bamboo industry competitive in the local and international markets while providing opportunities for local employment and establishing bamboo-based community enterprises, ” sabi pa ni Villar.