NI MJ SULLIVAN
Niyanig ng malakas na paglindol ang ilang probinsya sa Visayas region, kaninang madaling-araw, ayon sa Philippine Institute of Volcanology and Seismology (Phivocs).
Ayon sa datos, ganap na alas-3:18 ng madaling-araw nang tumama ang magnitude 4.7 na lindol na ang sentro ay nasa 004 km timog silangan ng General Macarthur, Eastern Samar.
May lalim itong 038 km at tectonic ang origin.
Naitala ang Intensity IV sa General Macarthur, Eastern Samar at intensity III sa Quinapondan, Llorente, Maydolong, Giporlos, Salcedo, Mercedes, Guiuan, Lawaan, at Balangiga, Eastern Samar.
Intensity II naman ang naramdaman sa lungsod ng Borongan, Balangkayan, at San Julian, Eastern Samar; Marabut, Basey, Santa Rita, at Calbiga, Samar; lungsod ng Tacloban, Babatngon, Palo, at Tanauan, Leyte.
Habang sa instrumental intensities, naitala ang intensity III sa Quinapondan at Hernani, Eastern Samar; Basey, Samar at intensity II sa Carigara at Dulag, Leyte.
Intensity I sa Sulat, Eastern Samar; Hilongos, Mahaplag, at Ormoc City, Leyte; Marabut, Samar; Hinunangan, Southern Leyte.
Wala namang iniulat na danyos sa nasabing paglindol at wala ring inaasahang aftershocks sa mga susunod na araw.
OnlineBalita news 