TUPAD workers ng DOLE tutulong sa flood control at ‘Brigada Eskwela’ programs ng MMDA

NI NERIO AGUAS

Pinalawig pa ng Department of Labor and Employment (DOLE) ang Tulong Panghanapbuhay sa Ating Disadvantaged/Displaced Workers Program o (TUPAD) program sa mga informal sector workers na tutulong sa Metropolitan Manila Development Authority (MMDA)  flood control measure program at ‘Brigada Eskwela’ na ipinatupad sa mga pampublikong eskuwelahan sa Metro Manila.

Ayon sa DOLE, ipagkakalob ang emergency employment sa 830 self-employed at indibiduwal sa elementary occupations, at unpaid family workers na tinukoy ng MMDA.

Ang kasunduan ay nakapaloob sa Memorandum of Agreement (MOA) na nilagadaan nina DOLE Secretary Bienvenido E. Laguesma at MMDA Acting Chairman Atty. Don Romando S. Artes na magbibigay ng pansamantalang trabaho at suporta sa mga displaced workers sa Metro Manila.

“This is a milestone convergence for DOLE and MMDA especially that we are now preparing for the opening of classes and bracing for the rainy season. This project will not only benefit the TUPAD workers and their families but the public as well. We hope to implement TUPAD with broader impact and lasting benefit so as to maximize the efficient spending of government resources,” sabi ni Laguesma.

“Nais namin sa DOLE na maingat at masinop ang paglalaan ng pondo ng pamahalaan dahil ito rin naman ay nakalaan talaga sa publiko. Tinitiyak namin na ang lahat ay nasa ayos, at nasisiguro na nabibigyan nito ng tulong ang mga higit na nangangailan, katulad ng ating mga disadvantaged, displaced, at unpaid family workers,” dagdag nito.

Nakatanggap ang mga benepisyaryo ng  TUPAD shirts, safety gear, at cleaning materials at sasailalim sa work and safety orientation.

“We would like to thank the DOLE for extending assistance to address the urgent needs of displaced workers in Metropolitan Manila. This collaboration will extend additional support in the effective and efficient delivery of the agency’s services, particularly flood mitigation measures and assistance in back-to-school preparations. This momentous occasion symbolizes the commitment of the government to address the needs of disadvantaged and displaced workers, providing them with a ray of hope during these challenging times,” sabi ni Artes.

Ang mga TUPAD program beneficiaries ay magsasaayos ng public schools tulad ng pagtatanim ng ornamental plants, paglilinis ng kanal at estero at pagsasaayos ng paaralan.