Ni NERIO AGUAS
Naharang ng mga tauhan ng Bureau of Immigration (BI) ang isang babaeng Taiwanese na wanted sa bansa nito.
Kinilala ang nasabing dayuhan na si Ko Meng Yu, 30-anyos, na agad na pinabalik sa Taiwan para harapin ang kaso laban dito.
Nabatid na dumating sa Ninoy Aquino International Airport (NAIA) Terminal 3 si Ko mula sa Dubai sakay ng Emirates flight kung saan nang dumaan ito sa immigration counter ay nakitang nasa blacklist order ito.
Sinasabing wanted sa Taiwan si Ko dahil sa kasong reckless driving at negligence resulting to injury.
“We remain vigilant in our efforts to ensure the safety and security of the Philippines by preventing the entry of individuals who may pose a risk to public order and security,” ayon sa BI.
“Our partnership with foreign counterparts have proved to be stronger than ever, and has been very effective in the interception of fugitives attempting to cross borders,” dagdag nito.
OnlineBalita news 