Ni NOEL ABUEL
Hindi lamang protekyon ng kababaihan laban sa karahasan at iba pa pang uri ng pang-aabuso ang empowerment ng kababaihan sa kasalukuyan.
Ito ang sinabi ni Senador Cynthia A. Villar, sa kanyang inspirational message sa National Summit ng Lady Local Legislators’ League (4L) of the Philippines, sa pagsasabing nangangahulugan din ang women empowerment ng pagkakataon na kumita ang mga kababaihan.
Aniya, sa kasalukuyang panahon ay mahalagang ‘contributors’ ang kababaihan sa economic growth ng bansa.
“It goes without saying that economically empowered women can augment their family’s income, put food on the table, and play pivotal roles in raising and educating their children,” ani Villar.
“And these well-bred and educated children will then become the future assets of our nation,” dagdag pa nito.
Binanggit ng senador sa mga lumahok sa okasyon na kaisa ito sa adbokasiya ng mga kababaihan na women empowerment.
Naniniwala umano ito na kapag binigyan ng kapangyarihan ang mga kababaihan, pinalalakas nito ang lipunan at henerasyon na mag-aambag sa nation building.
Sinabi pa ni Villar na ibinahagi nito ang nasa 3,000 community based livelihood projects sa buong bansa.
“In line with this, I would like to share that I have set-up around 3,000 community-based livelihood projects and enterprises nationwide,” pahayag ni Villar.
Kabilang sa tinukoy nito ang mga proyekto sa waterlily handicraft-weaving enterprise, handmade paper factory; coconut-weaving enterprise, charcoal-making factory; organic fertilizer production through composting, waste plastic recycling factories na gumagawa ng school chairs mula sa plastic wastes, bamboo processing, at agricultural related livelihood programs sa farm tourism facilities at farm schools.
“I am proud to emphasize that women are a dominant force in these livelihood enterprises,” sabi ng senador.
OnlineBalita news 