Oriental Mindoro niyanig ng mga paglindol

Ni MJ SULLIVAN

Nabulabog ang ilang residente ng Oriental Mindoro makaraang yanigin ng sunud-sunod na paglindol kaninang madaling-araw.

Ayon sa Philippine Institute of Volcanology and Seismology (Phivolcs), naitala ang malakas na paglindol sa lakas na magnitude 5.1 dakong ala-1:38 ng madaling-araw sa layong 012 km hilagang kanluran ng Bansud, Oriental Mindoro.

May lalim itong 001 km at tectonic ang origin.

Naramdaman ang intensity V sa Pinamalayan, Oriental Mindoro at intensity IV sa Bansud, at Gloria, Oriental Mindoro.

Sa instrumental intensities ay naitala ang intensity IV sa Pinamalayan, Oriental Mindoro at intensity III sa lungsod ng Calapan, at Roxas, Oriental Mindoro; intensity II sa Boac, Marinduque; Victoria, Oriental Mindoro; Gumaca, Quezon; intensity I sa Lemery, San Luis at Batangas City, Batangas; Abra De Ilog at San Jose, Occidental Mindoro; Puerto Galera, Oriental Mindoro; Mauban, Quezon.

Ganap namang ala-1:42 ng madaling-araw nang magkaroon ng aftershocks sa lakas na magnitude 4.2 at naitala ang intensity III sa Pinamalayan, Oriental Mindoro at intensity I sa Calapan, Oriental Mindoro.

Muling naramdaman ang sunud-sunod na aftershocks ganap na ala-1:50 hanggang alas-2:00 ng madaling-araw na naitala ang magnitude 2.5 at magnitude 1.6, magnitude 2.7, magnitude 3.5, magnitude 2.2 at magnitude 2.5