Ni NOEL ABUEL
Binigyang pagkilala ni House Speaker Martin G. Romualdez ang 20 kabataang lider na ginawaran ng kauna-unahang Marikina Youth Leadership Award (MYLA) dahil sa kanilang natatanging kahusayan sa akademya.
Kasabay nito ay hinamon ni Romualdez ang mga awardee na tumulong sa pagsusulong ng mga hakbang upang mapabuti ang kani-kanilang komunidad.
Ang MYLA ay isang “visionary initiative” na binuo ng tanggapan ni Marikina Rep. Stella Luz A. Quimbo upang kilalanin ang dedikasyon ng mga kabataan sa pamumuno at kanilang kahusayang pang-akademiko.
Napili ang awardees mula sa pampublikong elementarya at high school sa Marikina City katuwang ang school administrators at parent-teacher associations.
“I commend Teacher Stella’s foresight in spotlighting these dual achievers, for they are truly the city’s pride. These individuals … embody the principles of MYLA: valuing others, extending help to those in need, and playing a pivotal role in community building,” sabi ni Romualdez na dumalo sa awarding ceremony na ginanap sa North Lounge ng Mababang Kapulungan ng Kongreso.
“They are not just leaders of tomorrow, but leaders of today,” dagdag ng lider ng 311 na kongresista ng Kamara de Representantes
Si Romualdez ang nagsilbing inspirational speaker sa seremonya na dinaluhan din ni Rep. Quimbo, kanyang asawa na si dating Rep. Miro Quimbo, House Majority Leader Manuel Jose “Mannix” Dalipe, mga guro mula sa kinakatawang eskuwelahan sa Marikina at kapamilya ng awardees.
“To the awardees: Your recognition today is a testament to your hard work, commitment and the values you hold dear. Beyond the certificate and the gift you will receive, may you carry the essence of this award with you – that in every action, in every decision, you have the power to create a ripple of positive change in your community,” sabi ni Romualdez
“Marikina has always been a beacon of innovation, resilience and community spirit. Today, our MYLA awardees show us that our city’s future remains in capable, compassionate hands. Continue to shine, lead and inspire,” dagdag pa ng House leader.
Matapos ang seremonya ay nabigyang pagkakataon ang mga awardee na libutin ang Kamara kasama si Rep. Quimbo.
OnlineBalita news 