Ni NOEL ABUEL
Muling nagsagawa ng sorpresang inspeksyon ang mga kongresista at ang Bureau of Customs (BOC) sa mga bodega ng bigas sa lalawigan ng Bulacan.
Personal na sumama si House Speaker Ferdinand Martin G. Romualdez kay BOC Commissioner Bienvenido Rubio sa isinagawang surprise inspection.
Ayon kay Romualdez, sinabihan nito si Rubio na tiyakin na mailalagay sa kulungan ang mga smugglers at hoarders ng bigas.
Binanggit nito na ang mga walang prinsipyong mangangalakal ay karapat-dapat sa gayong parusa dahil bilang isang karumal-dumal na krimen laban sa mga mahihirap dahil sa pag-iwas sa mga pangunahing pagkain na ito ng Pilipino na hindi maabot sa pamamagitan ng pagmamanipula ng presyo.
Binalaan ni Romualdez ang mga rice traders at importers na agad na ilabas ang kanilang supply sa merkado sa patas na presyo o harapin ang posibleng pagkumpiska ng kanilang stock ng bigas gayundin ang pag-uusig alinsunod sa nararapat na proseso ng batas.
“Rice found to be smuggled or hoarded should be forfeited in favor of the government, in favor of the people’s interest, for distribution or sale at a very low price,” sabi nito.
Maaalala na si Pangulong Ferdinand R. Marcos Jr. ay nag-utos sa mga ahensya ng gobyerno na gamitin ang lahat ng mga legal na paraan upang kontrolin ang tumataas na presyo ng bigas, at inatasan ang BOC na siyasatin ang higit pang mga warehouses ng bigas.
“Hoarders need to understand that the government led by President Marcos Jr. is serious in flushing out the people behind the price manipulation of rice. Kung hindi makukuha sa simpleng pakiusap, baka magtanda sila kapag nakulong,” sabi pa ni Speaker Romualdez.
Alinsunod sa direktiba ni Marcos, si Romualdez at ilang iba pang mambabatas ay nakiisa sa pag-iinspeksyon sa pangunguna ni Commissioner Rubio sa pagsasagawa ng sorpresang inspeksyon sa Gold Rush Rice Mill 3, Dinorado Rice Mill, at JSS Rice Mill, na pawang nasa Bulacan.
Kasama rin ni Romualdez sa pagsalakay sina House Deputy Majority Leader Erwin Tulfo, Committee on Agriculture and Food Chairman Mark Enverga, at Bulacan 5th District Rep. Ambrosio Cruz, Jr.
Ayon kay Romualdez sa pag-iinspeksyon nito ay nagpapakita na sapat na supply ng bigas kaya ang patuloy na pagtaas ng presyo ng bigas ay nagpapahiwatig ng pagsisikap na pigilan ang mga stock upang umani ng malaking tubo.
“Yun lang ang warning natin sa lahat. Kung anong supply n’yo ilabas n’yo agad, wag n’yo hintayin tumaas ang presyo sa world market. Nagbabantay kami at babalik kami dito. Kung kailangang i-raid ng Customs, ipapa-raid natin at kukunin natin at ibibigay natin sa mamamayan sa tamang presyo,” sabi pa ni Romualdez.
“Kaya ang panawagan natin sa BOC, pag-ibayuhin pa ang pagsisikap na mahuli itong smugglers at hoarders na ito. I believe that by sending them to jail, we will send a clear message to other hoarders to stop what they are doing under pain and penalty of jail time,” dagdag nito.
Sa inisyal na pagsalakay ng BOC sa tatlong bodega sa Bulacan, umabot sa P500 milyon ang halaga ng imported na bigas.
Sinalakay ng mga operatiba ng BOC ang Great Harvest Rice Mill Warehouse, San Pedro Warehouse, at FS Rice Mill Warehouse, na napag-alamang nag-iimbak ng 25,000, 167,000 at 10,000 sako ng imported na bigas, ayon sa pagkakasunod.
OnlineBalita news 