Kahit bigo ang Gilas Pilipinas sa FIBA World Cup
Ni NOEL ABUEL
Sa gitna ng mga hamon na kinakaharap ng bansa sa FIBA World Cup, sinabi ni Senador Christopher “Bong” Go na hindi dapat tumigil ang sports development sa bansa.
Sa isang panayam, binalangkas ni Go ang kanyang suporta sa mga grassroots initiatives sa iba’t ibang sporting disciplines, na lahat ay naglalayong ihanda ang bansa para sa 2024 Paris Olympics at iba pang mga kumpetisyon sa hinaharap.
Habang kinikilala ang pagkabigo sa FIBA World Cup, nananatiling optimistiko si Go sa hinaharap ng atleta ng bansa.
Hinihikayat nito ang mga Pilipino na panatilihin ang isang positibong pananaw at rally sa likod ng mga atleta.
“Hindi lang naman po sa basketball ang talento ng Pilipino,” aniya na tinukoy na kilala rin ang bansa sa iba pang he noted, palakasan tulad ng boxing at athletics.
Binigyan-diin ni Go ang pangangailangan para sa komprehensibong suporta mula sa gobyerno at pribadong sektor upang mapangalagaan ang mga talentong ito.
“Looking forward tayo sa 2024 Olympics na manalo po tayo hindi lang po sa basketball, sa boxing, at iba pang athletics,” ani Go.
Ang Pole vaulter na si EJ Obiena ang kauna-unahang Pinoy na nag-qualify sa 2024 Paris Olympics.
Nakamit nito ang milestone na ito sa pamamagitan ng pag-clear sa Olympic standard na 5.82 metro sa Bauhaus Galan event sa Stockholm, Sweden.
Una nang pinuri ni Go si weightlifter Hidilyn Diaz dahil sa tagumpay nito sa Women’s 55kg weightlifting category sa 2021 Tokyo Olympics na nag-uwi ng kauna-unahang Olympic gold medal.
“Sila ay tunay ngang inspirasyon sa bawat Pilipino na sa kabila ng kahit anong bigat ng kanilang pinapasan sa buhay kapag nagpakita ng determinasyon at pusong manalo ay makakamtan nito sa ating inaasam na tagumpay,” sabi ni Go.
OnlineBalita news 