Ni NOEL ABUEL
Ipinahayag ni Senador Christopher “Bong” Go ang kanyang suporta sa bagong inilunsad na 2024-2028 Philippine Council for Mental Health (PCMH) Strategic Framework ng Department of Health (DOH) na layong magpatupad ng komprehensibong plano sa pagtugon sa mga isyu sa kalusugan ng isip sa Pilipinas.
Ayon kay Go, chairman ng Senate Committee on Health and Demography, malaking tulong na bigyan ng atensyon ng DOH ang mental health problems ng publiko.
“Mental health is an integral component of holistic health. We need to treat it with the same level of attention, importance and care as physical health,” ani Go .
“We cannot overlook mental health, especially during these challenging times. Many Filipinos are grappling with mental health issues, and it is crucial that we allocate sufficient funds for these programs,” dagdag pa nito.
Ang PCMH Strategic Framework ay idinesenyo upang maayos ang mga polisiya sa pagharap sa mental health.
Inendorso ng World Health Organization (WHO) Special Initiative para sa Mental Health, binibigyan-priyoridad ng framework ang pinahusay na mga sistema ng patnubay at referral para sa mga pasyente, upang magtatag ng isang internal oversight board para sa isyu ng mental health at upang turuan ang media organizations sa responsableng pag-uulat sa konteksto ng mental health.
“I am confident that we can address more mental health concerns in the country. With the contributions of all partner agencies under the PCMH and the guidance of WHO, we can achieve all the strategies we are set to do,” sabi ni DOH Secretary Teodoro Herbosa.
Sa isang pagdinig ng Senate Committee on Finance noong nakaraang buwan, binigyang-diin ni Go ang pangangailangan para sa tamang pagpopondo at pagpapatupad ng mga mental health programs.
“Hindi rin natin dapat kalimutan ang sapat na pondo para sa mental health programs lalo na sa panahon ng krisis tulad ng pandemya na marami sa ating mga kababayan ang apektado po ang mental health,” sabi ni Go.
Binigyan-diin din nito na ang panukalang budget para sa DOH ay nabawasan ng mahigit sampung bilyong piso kumpara sa kasalukuyang taon.
“We need to restore and allocate funds for various programs, including those focused on mental health. I endorse additional funding for the Department of Health and urge collective action to invest more in healthcare,” pangako pa ni Go.
OnlineBalita news 